சிறிய பறவை

ச‌ம்சார‌ம் அது மின்சார‌ம் - ஏன் ஏன் ஏன்?

2011-03-26T10:57:00.004+04:00

ச‌ம்சார‌ம் அது மின்சார‌ம் ஏன் ஏன் ஏன்? இத‌ற்கான‌ விள‌க்க‌ம் இந்த‌ டிப்ஸ்க‌ளை ப‌டித்த‌பின்,.

லைட் சுவிட்சுகள் மிக‌ சிற‌ந்த‌ மின்சார‌ சேமிப்புக‌ள். விள‌க்கு எப்போதெல்லாம் தேவையில்லையோ அப்போதெல்லாம் அணைத்திடுங்க‌ள். தேவைப்ப‌டும் விள‌க்குக‌ளை ம‌ட்டும் ப‌ய‌ன்ப‌டுத்துங்க‌ள். உதார‌ண‌மாக‌ பூஜைய‌றைக்கு அத‌ற்கான‌ குறைந்த‌ செய‌ல்திற‌ன் ப‌ல்பை ம‌ட்டும் ப‌ய‌ன்ப‌டுத்துங்க‌ள். முழு அறையையும் ஒளியூட்ட‌ வேண்டிய‌ அவ‌சிய‌ம் இல்லை. தேவைப்ப‌ட்டால் ஒழிய‌.
தூசுக‌ள் உங்க‌ள் விள‌க்கின் ஒளியில் 50% விழுங்கிவிடும். என‌வே ப‌ல்புக‌ளின் வெளிப்புற‌ம் உள்ள‌ தூசிக‌ளை அடிக்க‌டி சுத்த‌ப்ப‌டுத்துங்க‌ள்.
வீட்டில் உருண்டை விள‌க்கு (அதாங்க‌ குண்டுப‌ல்ப்) இருந்தால் முத‌லில் அத‌னை மாற்றிவிட்டு ப்ள‌ர‌சென்ட் லைட்டோ, குழ‌ல் விள‌க்கோ (டியூப் லைட்) மாற்றுங்க‌ள். இத‌னால் வெளிச்ச‌த்திற்காக‌ நாம் வ‌ழ‌க்க‌மாக‌ செல‌விடும் மின்சார‌த்தில் 75% ச‌த‌வீத‌ம் வ‌ரை மிச்ச‌ப்ப‌டுத்த‌ முடியும். உதார‌ண‌மாக‌ உருண்டை 60watt த‌ரும் வெளிச்ச‌த்தை 15wattப்ளூர‌செண்ட் விள‌க்கு த‌ந்துவிடும். உருண்டை விள‌க்கினால் அறைக்கு அதிக‌ம் வெப்ப‌ம் என்ப‌தையும் நினைவில் கொள்ளுங்க‌ள்
கோடை கால‌ வெயிலுக்கு எதிராக‌ முத‌லில் காற்றாடி (பேன்) ப‌ய‌ன்ப‌டுத்துங்க‌ள். வேறு வ‌ழியில்லை எனும் போது AC ப‌ய‌ன்ப‌டுத்த‌ ஆர‌ம்பியுங்க‌ள். கார‌ண‌ம் அனைவ‌ருக்கும் தெரிந்த‌தே. பேன் ஓடும் போது ஒரு ம‌ணி நேர‌த்திற்கு 30 பைசா செல‌வாகும்போது ஏ.சிக்கு 7 ரூபாய் வ‌ரை செல்வாகிற‌து.
வீட்டிற்குள் வெயில் வ‌ருவத‌ற்கான‌ வ‌ழிக‌ளை (ஜ‌ன்ன‌ல் போன்ற‌வை) ம‌ர‌ங்க‌ளையோ இல்லை ம‌றைப்பான்க‌ளையோ ப‌ய‌ன்ப‌டுத்துவ‌தால் 40% வ‌ரை ACக்கான‌ மின்சார‌த்தை மிச்ச‌ப்ப‌டுத்த‌லாம்.
ஏசி வெப்ப‌னிலையை மிக‌ குறைந்த‌ நிலையில் (set@ 21 செல்சிய‌ஸ்) வைப்ப‌த‌ற்கு ப‌தில் கொஞ்ச‌ம் மித‌மான‌ நிலையில் (set@ 25 செல்சிய‌ஸ்) வையுங்க‌ள். இத‌னால் க‌ணிச‌மான‌ அள‌வில் (10-15%) மின்சார‌த்தை மிச்ச‌ப்ப‌டுத்த‌ முடியும்.
ந‌ல்ல‌ ஏசி 30 நிமிட‌த்திற்கு ஒரு முறை சுழ‌ற்சி முறையில் குளிரூட்டிக்கொண்டு இருக்கும். இதனால் டைம‌ரில் வைத்து குறிப்பிட்ட‌கால‌ இடைவெளியில் அணைத்து வையுங்க‌ள். ஏசி போட்டிருக்கும் போது க‌த‌வுக‌ளை மூடியே வைத்திருக்க‌ குழ‌ந்தைக‌ளையும் ப‌ழ‌க்க‌ப்ப‌டுத்துங்க‌ள். ஏசி பிள்ட‌ர்க‌ளை மாத‌ம் ஒரு முறை சுத்த‌ப்ப‌டுத்துங்க‌ள். செப்ப‌னிட‌ப்ப‌டாத‌ ஏசி பிள்ட‌ர்க‌ள் ஏசியின் ஆயூட்கால‌த்தை குறைப்ப‌துட‌ன் அதிக‌ மின்சார‌த்தையும் இழுக்கிற‌து.
குளிர்சாத‌ன‌ப்பெட்டியை வெப்ப‌மான‌ இட‌ங்க‌ளில் வைப்ப‌தை த‌விருங்க‌ள். உதார‌ணமாக‌ நேர‌டியாக‌ சூரிய‌ வெளிச்ச‌ம் ப‌டுத‌ல், ஓவ‌ன் அருகில் வைத்த‌ல் போன்ற‌வை. ப்ரிட்ஜின் உட்புற‌ லைட் க‌த‌வு மூடி இருந்தாலும் வெளியே வெளிச்ச‌ம் தெரிந்தால் க‌த‌வின் ர‌ப்ப‌ரை மாற்றுங்க‌ள்.
ப்ரிட்ஜில் உள்ள‌ மோட்ட‌ர்/க‌ம்ப்ர‌ஸ்ஸ‌ர் தொட‌ர்ந்து வெப்ப‌த்தை வெளியே விடுவ‌தால், ப்ரிட்ஜின் பின் புற‌த்தை சுவ‌ற்றை ஒட்டி வைக்க‌தீர்க‌ள். கொஞ்ச‌ம் இடைவெளி விட்டு வைப்ப‌தால் காற்று சுழ‌ற்சியினால் ப்ரிட்ஜ் அதிக‌ம் வேலை செய்ய‌ வேண்டிய‌ அவ‌சிய‌ம் இருக்காது.
சூடான பொருட்க‌ள் ஆறின‌ பின் உள்ளே வைக்க‌வும். அதே போல் ப்ரிஜில் வைத்த‌ மாவை எடுத்து தோசை சுடும் போது ஒரு அரை ம‌ணி நேர‌ம் முன்ன‌தாக‌ வெளியே எடுத்து வைத்துவிடுங்க‌ள். இது மின்சார‌த்தை சேமிக்க‌ உத‌வாது. மாறாக‌ கேசினை ப‌ய‌ன்ப‌டுத்தும் அள‌வை குறைக்கும்.
ப்ரிட்ஜ் பின்னால் உள்ள‌ காயில்க‌ளில் தூசி ப‌டிந்தால் துடைத்து விட‌வும்,. அதிக‌மான‌ தூசி மின்சார‌த்தை அதிக‌ப்ப‌டுத்தும்.
ஹீட்ட‌ர்க‌ளை தேவையில்லாம‌ல் அதிக‌ம் ப‌ய‌ன்ப‌டுத்தாதீர்க‌ள். ஹீட்ட‌ர்க‌ளின் உள்ளே உள்ள‌ coilக‌ளை முறையாக‌ சுத்த‌ம் செய்ய‌வும். சுத்த‌ப்ப‌டுத்த‌ப‌டாத‌ coilக‌ளினால் அதிக‌ம் மின்சார‌ம் செல‌வாகிற‌து
க‌ம்ப்யூட்ட‌ர்க‌ள் ப‌ய‌ன்ப‌டுத்தாம‌ல் இருக்கையில் அணைத்துவிடுங்க‌ள். அப்ப‌டியே CPU மட்டும் ப‌ய‌ன்ப‌டுத்த‌ வேண்டுமென்றால் மானிட்ட‌ரை ஆப் செய்துவிடுங்க‌ள்.
பேட்ட‌ரி சார்ஜ‌ர், லேப்டாப் ப‌வ‌ர் க‌னெக்ட‌ர் போன்ற‌வை மாட்டி இருந்தாலே மின்சார‌த்தை இழுக்கும். என‌வே அவ‌ற்றை ப‌ய‌ன்ப‌டுத்த‌வில்லை என்றால் அணைத்துவிடுவ‌து ந‌ல்ல‌து.
கம்பியூட்ட‌ர்க‌ளை ஸ்லீப் மோடில் வைப்ப‌தால் 40% வ‌ரை மின்சார‌ம் மிச்ச‌ப்ப‌டுத்த‌லாம்

மின்சார‌ம் தொட்டால்தான் ஷாக் அடிக்கும்,. ச‌ம்சார‌ம் ந‌ம்மை பார்த்தாலே ஷாக் அடிக்கும். அதனால்தான் ச‌ம்சார‌ம் அது மின்சார‌ம்,.. ஹி ஹி இது சும்மா,.. வீட்டிற்கு எஜ‌மானி ச‌ம்சார‌ம்தானே,. என‌வே நாம் மிச்ச‌ப்ப‌டுத்தும் ஒவ்வொரு கிலோ வாட்டு(kW)க்கும் ந‌ம் ம‌னைவியின் ப‌ங்கு மிக‌ முக்கிய‌ம்.அத‌ற்காக‌ ஆண்க‌ளுக்கு ச‌ம்ப‌ந்த‌மில்லை என‌ அர்த்த‌மாகாது.

-----------------------------------------------------------------------------------------

இன்று ஏன் இந்த‌ ப‌திவு என‌ நினைக்கிறார்க‌ளா?

நீங்க‌ள் TV போட்டுக்கொண்டு பேப்ப‌ர் ப‌டிக்கிறீர்க‌ள். உண்மையில் பார்த்தால் உங்க‌ளுக்கு தேவைப்ப‌டாத‌ மின்சார‌த்திற்கு எங்கோ ஒருவ‌ர் நில‌க்க‌ரியை எரித்து மின்சார‌த்தை அனுப்பி வைக்கிறார். ஆனால் அதை நாம் ப‌ய‌ன்ப‌டுத்த‌வில்லை. இதனால் சூழ்னிலை சூடாகிற‌து, ப‌னிக்க‌ட்டி உருகிற‌து, ஓசோன் ஓட்டை ஆகிற‌து, ம‌ழை பொய்கிற‌து. இப்ப‌டி நிறைய‌.இத‌ன் விளைவுக‌ளை இன்று முழுமையாக‌ அனுப‌விக்காவிட்டாலும் ந‌ம் ச‌ந்த‌திக‌ள் க‌ண்டிப்பாக‌ அனுப‌விக்க‌ நேரும். ஆத‌லால் மின்சார‌த்தை சேமிப்பு எந்த‌ள‌விற்கு முக்கிய‌மோ அதைவிட‌ மிக‌ முக்கிய‌ம் ப‌ய‌ன்ப‌டுத்த‌ப்ப‌டாம‌ல் செல‌வாகும் மின்சார‌ம்.

இதையெல்லாம் க‌ருத்தில் கொண்டுதான் முத‌ன்முத‌லில் பூமி நாள் 2007ல் ஆல் ஆர‌ம்பிக்க‌ப்ப‌ட்ட‌து. அது இன்று க‌டைபிடிக்க‌ப்ப‌டுகிற‌து. இன்று இர‌வு 8:30 ம‌ணிக்கு மேல் ஒரு ம‌ணி நேர‌ம் விள‌க்குக‌ளை அணைப்ப‌தால் மிக‌ அதிக‌மான‌ அள‌வு கொண்ட‌ மின்சார‌ம் சேமிக்க‌ப்ப‌டுகிற‌து. 2009 ஆம் ஆண்டு 100 மில்லிய‌ன் ம‌க்க‌ள் ப‌ங்கெடுத்தார்க‌ள். நாமும் இதை க‌ண்டிப்பாக‌ அம‌ல் ப‌டுத்த‌ முயற்சி செய்வோம். (த‌மிழ் நாட்டில் ஏற்க‌ன‌வே ரொம்ப‌ ப‌வ‌ர்க‌ட் என‌க்கேள்விப்ப‌ட்டேன்)

நாம் மிச்ச‌ப்ப‌டுத்தும் ஒரு குண்டுப‌ல்பின் மின்சார‌த்தால் வ‌ரும் ப‌ல‌ன்க‌ள் நிறைய‌, அத‌னால் இந்த‌ ப‌திவை க‌ண்டிப்பாக‌ தொட‌ர்கிறேன் (பின்னூட்ட‌மோ, ஓட்டோ வ‌ர‌வில்லை ஒன்று கூட‌ வ‌ர‌வில்லை என்றாலும்),.

2030 - ‍ ம‌ண‌ம‌க‌ளுக்கு என்ன‌ செய்ய‌ப் போறோம்?

2011-03-19T01:39:00.023+04:00

அதிர்ச்சியாக‌த்தான் இருந்த‌து அந்த‌ செய்தியை ப‌டித்த‌வுட‌ன்.

இன்னும் 20 ஆண்டுக‌ளில் ஆண்க‌ளின் எண்ணிக்கை பெண்க‌ளை விட‌ 20% அதிக‌மாக‌ இருக்கும். அதாவ‌து 120ஆண்க‌ளுக்கு 100 பெண்க‌ள் என்ப‌து க‌ண‌க்கு. இது மிக‌ ஆப‌த்தான‌ ஆண்/பெண் விகிதாச்சார‌ ச‌ம‌னிலை பிற‌ழ்ச்சி.

இன்னும் ப‌ல‌ மாநில‌ங்க‌ளில் ஆண் குழ‌ந்தைக‌ளுக்கான‌ ஈர்ப்பு இன்னும் அதிக‌மாக‌ இருக்கிற‌தாம்.ப‌ஞ்சாப்,டெல்லி, குஜ‌ராத், போன்ற‌ மாநில‌ங்க‌ளில் 100:125 என இருக்கிற‌து.ஆந்திர‌ பிர‌தேஷ், கேர‌ளா மாநில‌ங்க‌ளில் ம‌ட்டுமே ஓர‌ள‌வு எண்ணிக்கை ஆறுத‌லாக‌ உள்ள‌து (100:105).

தெற்கு கொரியா ம‌ட்டுமே க‌ருவிலிருக்கு குழ‌ந்தையை ஆணா பெண்ணா என‌ பார்ப்ப‌த‌ற்கு த‌டை செய்து க‌ண்டிப்பாக‌ க‌வ‌னித்து வ‌ருகிற‌து. இந்தியாவில் க‌ருவிலிருக்கும் குழ‌ந்தை ஆணா பெண்ணா என‌ பார்ப்ப‌து இன்னும் ச‌க‌ஜ‌மாக‌ ந‌ட‌ந்து கொண்டு இருக்கிற‌து.

இன்று கொடுமை என்ன‌வென்றால் முத‌ல் குழ‌ந்தை பெண் என்றால் அடுத்த‌ குழ‌ந்தை பெண்ணாக‌ இருப்ப‌த‌ற்கு 54% வாய்ப்புக‌ள் இருக்கின்ற‌ன. முத‌ல் இர‌ண்டு குழ‌ந்தைக‌ள் பெண் என்றால் அடுத்த‌ குழ‌ந்தை 20% ச‌த‌வீத‌ம்தான் பெண்ணாக‌ வாய்ப்புக‌ள் இருக்கின்ற‌ன‌. கார‌ண‌ம் க‌ருவிலிருக்கும் குழ‌ந்தையை ஸ்கேனில் பார்த்து ஆண் என்றால் ம‌ட்டும் வ‌ள‌ர‌விடுவ‌து, இல்லை என்றால் கொன்றுவிடுவ‌து. அதுதான் இன்று ந‌ட‌ந்து கொண்டு இருக்கிறது.

துர‌திர்ஷ்ட‌வ‌ச‌மாக‌ முத‌ல் குழ‌ந்தை ஆண் என்றால் அப்ப‌டியே இன்னும் நிறுத்தி விடுவ‌தும் உண்டு. இப்ப‌டி செய்தால் எப்ப‌டி பெண் குழ‌ந்தைக‌ள் பிற‌க்கும்?.

120 ஆண்க‌ளுக்கு 100 பெண்க‌ள் எனும் போது என்ன‌தான் செய்ய‌முடியும்?? அப்போது என்ன‌வெல்லாம் நட‌க்க‌ வாய்ப்பிருக்கிற‌து??? நிறைய‌ ச‌மூக‌ ரீதியான‌ பிர‌ச்ச‌னைக‌ள் வ‌ர‌ வாய்ப்பிருக்கிற‌து. பின் வ‌ருப‌வை காமெடி போல‌த் தோன்றினாலும் துர‌திர்ஷ்ட‌மாக‌ ந‌ட‌ந்தால் ஆச்ச‌ர்ய‌ப்ப‌ட‌ ஒன்றுமில்லை.

1. நீங்க‌ள் பெண்ணின் பெற்றோருக்கு வ‌ர‌த‌ட்ச‌ணை கொடுக்க‌ வேண்டி இருக்க‌லாம். ஆண்க‌ள் பெண்ணிற்கு வ‌ர‌த‌ட்ச‌ணை கொடுக்க‌ வேண்டும் என‌ அர‌சாங்க‌மே அனும‌தி அளிக்க‌லாம்.

2. இப்போது ப‌ள்ளியில் காலையில் நாலு ம‌ணிக்கே போய் நிற்ப‌து போல், பெண் வ‌ய‌சுக்கு வ‌ந்த‌வுட‌ன் அட்வான்ஸ் புக்கிங் ப‌ண்ண‌ வேண்டி இருக்க‌லாம். அதை நீட்டிக்க‌ மாத‌ம் மாத‌ம் நீங்க‌ள் சேவை வ‌ரி க‌ட்ட‌ வேண்டி வ‌ர‌லாம்.

3. அந்த‌ பெண் எந்த‌ ஆணையும் பார்த்துவிடாம‌ல் இருக்க அத‌ற்கு ஒரு த‌னியாக‌ சிற‌ப்பு பாதுகாப்பு ப‌டை வ‌ழ‌ங்கி பாதுகாக்க‌லாம்,. (அப்போது காவ‌ல‌ன் ப‌ட‌த்தை ரீமேக் செய்ய‌லாம்,. யாருக்குத் தெரியும் அது உண்மை க‌தை என‌க்கூட‌ விள‌ம்ப‌ர‌ம் செய்ய‌ப்ப‌ட‌லாம்).

4. எத்தியோப்பியா, நைஜீரியா, சோமாலியா, இல‌ங்கை போன்ற‌ நாடுக‌ளில் இருந்து இந்திய‌ ஆண்க‌ளுக்கு பெண் எடுக்க‌லாம்.

4. பெண்க‌ள் த‌ன் பேச்சை கேட்காத‌ ஆண் க‌ண‌வ‌ர்க‌ளை யோசிக்காம‌ல் விவகார‌த்து செய்ய‌லாம்.

5. பெண்ணுக்கெதிரான‌ பாலிய‌ல் குற்ற‌ங்க‌ள் அதிக‌மாக‌லாம், உதார‌ண‌மாக‌ பெண் கிடைக்காம‌ல் காய்ந்து போன‌ ந‌ப‌ர்க‌ள் அப்பாவி பெண்க‌ளை க‌ட‌த்தி க‌ற்ப‌ழிக்க‌லாம்.

6. விப‌ச்சார‌ம் ஒரு ப‌ண‌ம் கொழிக்கும், அனும‌திக்க‌ப்ப‌ட்ட‌ தொழிலாக‌ இருக்கலாம். அத‌னால் பால்வினை நோய்க‌ள் அதிக‌மாகலாம்.

மாத‌ராய் பிற‌ந்திட‌ மாத‌வம் செய்திட‌ வேண்டும் என‌ பார‌தி சொன்ன‌து இன்னும் இருப‌து வ‌ருட‌ம் க‌ழித்துதான் உண்மையாகும் போலிருக்கிற‌து.

ச‌ந்த‌தி த‌ரும் பெண்க‌ளுக்கு துணையிருப்போம் க‌ருவிலிருந்து,..

பெய‌ர் காவிய‌ம் - என் பெய‌ர் பாதி க‌ண்'ண‌ன்

2011-03-17T21:41:00.014+04:00

ச‌கோத‌ரி அம்பிகா பெய‌ர் ப‌திவை யாராவ‌து தொட‌ருங்க‌ள் என‌ சொன்ன‌ கார‌ண‌த்தால் அந்த‌ யார் நானே என‌ முடிவு செய்து (ஹி ஹி) இந்த‌ ப‌திவு.

என் பெய‌ர் ஜோதிக‌ண்ண‌ன். எங்க‌ள் குடும்ப‌த்தில் பெரும்பாலும் க‌ண்ண‌ன் என்றே முடியும்.பிற‌க்கும் போது நான் ந‌ன்கு க‌ருப்பாக‌ இருந்தேனாம் (ஹி ஹி, க‌ண்ண‌னில்ல அதான்,.).உட‌ம்பு முழுக்க‌ நிறைய‌ ம‌ச்ச‌ம் இருந்த‌தாம், அதனால் முத‌லில் ம‌ச்ச‌க‌ண்ண‌ன் வைக்க‌லாம் என‌ இருந்தார்க‌ளாம், நல்ல‌ வேலை க‌டைசி க‌ட்ட‌மாக‌ க‌ண்க‌ள் கொஞ்ச‌ம் பிர‌காச‌மாக‌ (!!!) இருந்த‌தால் ஜோதிக‌ண்ண‌ன் என‌ பேர் வைத்து விட்டார்க‌ள். (அட‌ அட‌ என்ன‌ ஒரு பெய‌ர் கார‌ண‌ம்).

--------------------------------------------------------------------------------------------

நான் ப‌ள்ளியில் ப‌டித்துக்கொண்டு இருக்கும் போது நான் க‌டைசிக்கு முந்தின‌ பெஞ்சில் உட்கார்ந்திருப்பேன் . இருந்தாலும் அந்த‌ பாவாடை வாத்தியார் (பேண்ட் பெல்ஸ் பாட்ட‌ம் அதான் பாவாடை வாத்தியார்) என்னைதான் கேப்பார். அதுவும் க‌ரும்ப‌ல‌கையை பார்த்து,. சில‌ நேர‌ங்க‌ளில் என‌க்கு போர்டில் இருப்ப‌து தெளிவாக‌ தெரியாது, அதனால் க‌ண்ணை கொஞ்ச‌ம் சுருக்கி பார்ப்பேன், இதை ரெண்டு மூணு முறை பார்த்த‌ அந்த‌ பாவாடை வாத்தி என்னை பாதி க‌ண்ண‌ன், பாதி க‌ண்ண‌ன் என‌ கூப்பிட‌ ஆர‌ம்பித்துவிட்டார். ப‌ச‌ங்க‌ளும் என்னை பாதிக‌ண்ண‌ன் என‌ கிண்ட‌ல‌டித்து கூப்பிட்ட‌து கிண்ட‌ல‌டித்து என் பெற்றோருக்கு தெரிந்து விட்ட‌து. அப்புற‌ம் என்னை க‌ண் ஆஸ்ப‌த்திரிக்கு கூட்டி சென்று பெரிய்ய்ய்ய்ய்ய்ய‌ சோடாபுட்டி மூக்கு க‌ண்ணாடியை போட்டுவிட்டார்க‌ள்.

க‌ண்ணாடி போட்ட‌வுட‌ன் என் மூஞ்சி டோட்ட‌ல் டேமேஜ். அதுவுமில்லாம‌ல் அந்த‌ நேர‌த்தில் ஃபிக‌ர்க‌ளை சைடில் பார்த்து சைட் அடித்துக் கொண்டிருந்தேன் (நேர்ல‌ பாத்தா ந‌ம்ம‌ பாக்குற‌து தெரிஞ்சிரும்ல‌ அதான்). மூக்கு க‌ண்ணாடி நேர‌டியாக‌ பார்க்க‌ ம‌ட்டுமே ப‌ல‌ன‌ளித்த‌து, சைடில் பார்க்கும் போது க‌ண்ணாடி தெரிய‌வில்லை, ஃபிக‌ர்க‌ள் தெளிவாக‌ தெரியாம‌ல்‌ அப்போ ரொம்ப‌ க‌ஷ்ட‌ப்ப‌ட்டேன்,.. இதை எப்ப‌டியோ தெரிந்த‌ கொண்ட‌ என் கூட‌ ப‌டிச்ச‌ ட்யூச‌ன் பொண்ணுங்க‌ பாதிக‌ண்ண‌ன் முழிக்கிறான், பாதிக‌ண்ண‌ன் முழிக்கிறான் (சின்ன‌க்க‌ண்ண‌ன் அழைக்கிறான் பாட்டு) என‌ பாடி க‌டுப்பேத்துவார்க‌ள். அதுக்கு அப்புற‌ம் சைடு க‌ண்ணை க‌வ‌ர் ப‌ண்ணிய‌ போட்ட‌ குதிரை மாதிரி போக‌ வேண்டிய‌தாயிற்று

-----------------------------------------------------------------------------------------

க‌ல்லூரி சேர்ந்த‌ பின் என் பேரை யாராவ‌து கேட்டால் பெரும்பாலும் க‌ண்ண‌ன் என‌த்தான் சொல்லுவேன், இருந்தாலும் ந‌ண்ப‌ர்க‌ள் ஜோதி, ஜோதி என‌ அழைத்தார்க‌ள், பெண் பெய‌ராக‌ இருந்த‌தால் ரொம்ப‌ க‌டுப்பாக‌ இருக்கும்.. சில‌ நேர‌ங்க‌ளில் குளிர்ச்சியாக‌வும் இருக்கும். அப்போதுதான் ஜோதி என்ற‌ பெய‌ரில் ஒருத்தி ஆந்திராவில் இருந்து first year சேர்ந்தாள். ப‌ச‌ங்க‌ சும்மாவாச்சும் அந்த‌ பெண் போகும் போதெல்லாம் ஜோதி ஜோதி என‌ அவ‌ளைக் கூப்பிடுவ‌து போல் என்னை‌க்கூப்பிட்டு க‌டுப்பேத்துவார்க‌ள். ஒரு நேர‌த்தில் ஜோதி என‌க்கூப்பிட்டால் திரும்பாம‌ல் இருக்க‌ முய‌ற்சி செய்தேன், முடிய‌வில்லை. ஒரு க‌ட்ட‌த்தில் அந்த‌ ஆந்திர‌ ஜோதியே ஜோதி என‌க்கூப்பிட்ட‌துதான் கொடுமை. (த‌மிழ் நாட்டை தாண்டினால் ஜோதி என்ப‌து பெண் பெய‌ர்தான்,.. இப்போதும் என‌க்கு நிறைய‌ லெட்ட‌ர் Mrs.ஜோதிக‌ண்ண‌ன் என‌ வ‌ருகிற‌து

------------------------------------------------------------------------------------------------

ச‌மீப‌த்தில் என் பைய‌னுட‌ன் விளையாடும் போது என் ம‌க‌ன் கேட்டான்,.

"அப்பா, ஏன் உங்க‌ உங்க‌ளுக்கு ஜோதிகண்ண‌ன்னு பேரு வெச்சாங்க‌?"

"ம்ம்ம்,.உங்க‌ அப்பா க‌ண்ணுல‌ பிர‌காச‌மா ஜோதி வ‌ந்துச்சா அதுனால‌தான் அந்த‌ பேரு" இது என் ம‌னைவி.

"பிர‌காச‌மான‌ க‌ண்ணுனா ஏன் க‌ண்ணாடி போடுறீங்க‌??"

"ம்ம்ம்,. பிர‌காச‌மான‌ ஜோதி வ‌ந்துச்சுன்னா ந‌ம் க‌ண்ணைத்தாக்குமில்ல‌, அதை த‌டுக்க‌த்தான் க‌ண்ணாடி"(ஹி ஹி இதுவும் என் ம‌னைவிதான்).

யார் சொன்ன‌து ம‌னைவிக‌ளுக்கு ஞாப‌க‌ ம‌ற‌தி என்று??

------------------------------------------------------------------------------------------

வேலைக்கு வ‌ந்த‌ 12 ஆண்டுக‌ளில் இது வ‌ரை 6 க‌ம்பேனி மாறியாச்சு ,.. ஆனாலும் இப்போது திரும்ப‌ போனாலும் க‌ண்டிப்பா என்னை வேலைக்கு எடுத்துக் கொள்வார்க‌ள். கார‌ண‌ம் எல்லா நிறுவ‌ன‌ங்க‌ளிலும் என் பேரை ந‌ல்ல‌ ப‌டியாக‌ வைத்துவிட்டுதான் கிள‌ம்பி இருக்கிறேன்.

ஆசையாய் வைத்த‌ என் பெற்றோருக்கு என் பேரால் இது வ‌ரை பெரிய‌ பெருமை ஒன்றையும் கொடுக்க‌வில்லை. ஆனால் வைச்ச் பேரை கெடுக்காம‌ல் வைத்திருக்கேனே அந்த‌ வ‌கையில் ச‌ந்தோச‌ம்.

----------------------------------------------------------------------------------------

பின்னூட்ட‌ங்க‌ள் - ப‌ல‌ வித‌ம்

2011-03-15T21:04:00.013+04:00

பின்னூட்ட‌ங்க‌ள் க‌ல் மாதிரி. ஒரு ப‌திவ‌ரை சிலையாக‌வும் வைக்கும், இல்லையென்றால் அவ‌ரை வெறுப்பேற்ற‌ அவ‌ர்மீது வீசி எறிய‌ப்ப‌டும் சிறுக‌ல்லாக‌வும் ப‌ய‌ன்ப‌டும். ஆரோக்கிய‌மான‌ விவாத‌த்தில் ப‌ங்கு பெறுகிற‌ பின்னூட்ட‌ங்க‌ள் ப‌ல‌ நேர‌ங்க‌ளில் ப‌திவை தூக்கி சாப்பிடுகின்றன‌. ஒரு வ‌ண்டிக்கு எப்ப‌டி பெட்ரோலோ அது மாதிரி பின்னூட்ட‌ங்க‌ள் ஒரு ப‌திவிற்கு. இன்னும் ப‌ல‌ ப‌திவ‌ர்க‌ள் ஹிட்டை பற்றி க‌வ‌லைப்ப‌டாம‌ல் வார‌ம் 3 ப‌திவெழுதும் ர‌க‌சிய‌ம், யாரோ ஒரு புண்ணிய‌வான் அவ‌ன்(ர்) பொன்னான‌ நேர‌த்தை அவ‌ர்க‌ளின் ப‌திவுக‌ளில் செல‌விட்டு அவ‌ர்க‌ளின் பார்வையை பின்னூட்ட‌மாய் விட்டு செல்வ‌தால்தான்.

நான் ப‌திவுல‌க‌த்திற்கு வ‌ந்த‌ புதிதில் டாக்ட‌ர் புருனோவுட‌ன் பின்னூட்ட‌ங்க‌ளில் அதிக‌மாக‌ ச‌ண்டை போட்டேன். பிர‌ச்ச‌னை தெரிந்த‌தே. ர‌குமானா இளையாராஜாவென்கிற‌ ச‌ண்டைதான். பின் நாட்க‌ளில் அத‌ற்காக‌ வ‌ருத்த‌ப்ப‌ட்டு இருக்கிறேன். அதே நான் பின்னோரு நாளில் புருனோவுட‌ன் இணைந்து கார‌சார‌மாய் அர‌சு ஊழிய‌ரைப்ப‌ற்றி ஆரோக்கிய‌மான‌ விவாத‌ம் செய்திருக்கிறேன். போன‌ வ‌ருட‌ம் கூட‌ ஒரு பெண் ப‌திவ‌ரிட‌ம் விவாத‌ம் ந‌ட‌த்துகையில் ப‌திவை வெளியேற‌ வேண்டிய‌தாயிற்று, (கொடுமை அது ரொம்ப‌ சின்ன‌ விஷ‌ய‌ம்,. அத‌ற்காக‌ க‌ண்டிப்பாக‌ துளியும் வ‌ருத்த‌மில்லை). ஆரோக்கிய‌மான‌ பின்னூட்ட‌ங்க‌ள் ஒரு ப‌திவருக்கு ந‌ல்ல‌ முதிர்ச்சியையும், எழுத்து ஆர்வ‌த்தையும் த‌ரும்.

ஆனால் ஆரோக்கிய‌ம‌ற்ற‌ பின்னூட்ட‌ங்க‌ள்?? இங்கேதான் பிர‌ச்ச‌னை ஆர‌ம்பிக்கிற‌து. பெரும்பாலும் ச‌ண்டைக‌ள் வ‌ருவ‌தற்கு கார‌ண‌ம் ஒன்று தேவையில்லாத‌ பின்னூட்ட‌மாக‌ இருக்கிற‌து, இல்லை ப‌திவ‌ரின் ஈகோவாக‌ இருக்கிற‌து. த‌வ‌றென‌த் தெரிந்தும் "ஆம் நான் சொன்ன‌து த‌ப்புதான், நான் எழுதிய‌து த‌ப்புதான்" என‌ ஒப்புக்கொள்ப‌வர்கள் க‌ம்மிதான். சில‌ பின்னூட்ட‌ங்க‌ள் ப‌ல‌ ப‌திவ‌ர்க‌ளை ம‌ன‌ உளைச்ச‌லுக்கு ஆளாக்குகிற‌து. இதுவே பெண்க‌ள் எனும்போது அந்த‌ கோப‌ம் அவ‌ர்க‌ள் குழ‌ந்தைக‌ளையும் தாக்கும் வாய்ப்பிருக்கிற‌து. சில‌ ப‌திவ‌ர்க‌ள் வேலை செய்ய‌முடியாம‌ல் வீட்டிற்கு வ‌ந்து பின்னூட்ட‌த்திற்கு ப‌தில் சொன்ன‌ கொடுமையெல்லாம் ந‌ட‌ந்திருக்கிற‌து. முன்பு போல் அன்னானிக‌ள் இப்போது ப‌ங்கெடுப்ப‌தில்லை. ஆனால் வித்தியாச‌மான‌ பெய‌ரில் முக‌வ‌ரியில்லாம‌ல் இப்போது அவர்க‌ள் ஆக்கிர‌மித்திருக்கிறார்க‌ள். எத‌ற்காக‌ முக‌ம் காட்ட‌ ப‌ய‌ப்ப‌டுகிறார்க‌ள் என‌ தெரிய‌வில்லை. பின்னூட்ட‌ ச‌ண்டைகளால் துர‌திர்ஷ‌ட‌வ‌ச‌மாக‌ ந‌ல்ல‌ ப‌திவ‌ர்க‌ள் ப‌திவுல‌‌த்தை விட்டே சென்று இருக்கிறார்க‌ள்.

சில‌ர் க‌ண்டிப்பாக‌ எல்லா பின்னூட்ட‌ங்க‌ளுக்கும் (அவை 100 இருந்தாலும்) ப‌தில் சொல்வர். ஸ்மைலிக்கு கூட‌ " ந‌ன்றி பாஸ்க‌ர்" என‌ ப‌தில் சொல்வ‌து ஆச்ச‌ர்ய‌ம்தான். ஆனால் ந‌ன்றி வேண்டி யாரும் பின்னூட்ட‌ம் இடுவ‌தில்லை. என்னைப் பொறுத்த‌வ‌ரை ப‌தில் சொல்ல‌ப்ப‌டா பொறுப்பான‌ பின்னூட்ட‌ங்க‌ள் அவ‌மான‌மே. இன்றைக்கு ப‌திவுல‌க‌ம் இருக்கும் ஸ்டைலிற்கு இது வேலைக்கு ஆகாது என‌த்தெரியும். இருந்தாலும் ம‌ன‌ம் ஒப்புக்கொள்ள‌வில்லை.

பின்னூட்ட‌ம் க‌ண்டிப்பாக‌ இட்டு செல்ல‌ வேண்டும் என‌ பெரும்பாலான‌ ப‌திவ‌ர்க‌ள் நேரிடையாக‌ கேட்ப‌துண்டு. என் ச‌க‌ தோழ‌ர் ப‌திவில் மிர‌ட்டியே வைத்திருப்பார்.

“ஜெய் ஜக்கம்மா!! பதிவ படிச்சிட்டு பதில் சொல்லாம போறவங்களுக்கு நீயே நல்ல தண்டனை குடும்மா!!!”

“உங்கள் மனதில்பட்ட கருத்துக்களை யார்மனமும் புண்படாமல் சொல்லி ஊக்கப்படுத்தும் அன்புநெஞ்சங்களுக்கு நன்றி!”

"வ‌ந்தீங்க‌, ப‌டிச்சீங்க‌

சும்மா பாத்துட்டு போகாதீங்க‌

புடிச்சிருந்தால் பூங்கொத்து கொடுங்க‌

புடிக்க‌லைனாலும் எழுதுங்க‌ "

இப்ப‌டி அழ‌கு அழ‌காய் நிறைய‌,..

சில‌ நேர‌ங்களில் தான் வ‌ந்த‌தை வ‌ந்துவிட்ட‌தை (??) உறுதி செய்யும் வித‌மாக‌ பின்னூட்ட‌ங்க‌ள் போட‌ப்ப‌டுவ‌துண்டு. அவை பெரும்பாலும் ப‌திவிற்கும் பின்னூட்ட‌த்திற்கும் ச‌ம்ப‌ந்த‌ம் இருக்காது. இவை பெரும்பாலும் டெம்ப்ளெட்டில் ஏற்க‌ன‌வே டைப் செய்ய‌ப்ப‌ட்டு இட‌த்திற்கு ஏற்றார் போல் காப்பி பேஸ்ட் செய்ய‌ப்ப‌டுப‌வை.

யாரிட‌மாவ‌து இல்லையென்றால் கீழே டெம்ப்ளெட்டை உள்ள‌ ப‌ய‌ன்ப‌டுத்திக் கொள்ளுங்க‌ள் (ஹி ஹி ச‌மூக‌ சேவை)

வ‌டை என‌க்கு

க‌ல‌க்கிட்டீங்க‌ த‌ல‌

அருமையான‌ ப‌திவு

நச் ப‌திவு

உள்ளேன் ஐயா

ந‌ல்லாயிருக்கு

வாங்க‌ த‌ல‌

ப‌ட்டைய‌ கிள‌ப்பிட்டீங்க‌

ப‌டிச்சுட்டு பின்னூட்ட‌ம் போடுறேன்

இல்லையென்றால் வார‌ இறுதி நாட்க‌ளிலோ (??) இல்லை அலுவ‌ல‌க‌த்தில் நீங்க‌ள் அவ‌ச‌ர‌ அவ‌ச‌ர‌மாக‌ டைப் அடிக்கும்போதோ கீழே க‌ண்ட‌வாறு கீபோர்டு சொத‌ப்பி விட்டு விடும்,. சாக்கிர‌தை

ப‌டை என‌க்கு

க‌ல‌ங்கிட்டீங்க‌ த‌ல‌

அறுவையான‌ ப‌திவு

நொச் ப‌திவு

உள்ளேன் ஆயா

நாலாயிருக்கு

வீங்க‌ த‌ல‌

பாடைல‌ கிள‌ம்பிட்டீங்க‌

குடிச்சுட்டு பின்னூட்ட‌ம் போடுறேன்

இந்த‌ மாதிரி மாத்தி எழுதினா என்ன‌வாகிற‌து?? க‌தையே க‌ந்த‌லாகிவிடும் இல்ல‌? அப்புற‌ம் என்ன‌? ப‌திவுல‌க‌ ச‌ண்டைதான்.

உல‌க‌ அணுக்கொள்கைக‌ளை திருப்பிபோடும் ஜ‌ப்பான் அணு உலை விப‌த்துக்க‌ள்

2011-03-15T00:21:00.006+04:00

சுவிட்ஸ‌ர்லாந்து த‌ன் அணு உலை பணிக‌ளுக்கு த‌டா போட்டுள்ள‌து. ஜெர்ம‌னியும் நியூக்ளிய‌ர் தொழிற்சாலைக‌ள் எதிர்கால‌ம் ப‌ற்றி க‌வ‌லைப்ப‌டுகிற‌து.

தைவானும் த‌ன் ப‌ங்கிற்கு அணு மின்சார‌த்தை நீக்க வ‌ழி செய்து கொண்டிருக்கிற‌து.

டோக்கியாவில் நிக‌ழ்ந்து கொண்டிருக்கும் அணு உலை வெடிப்புக‌ள் ஐரோப்பாவிலும், அமெரிக்காவிலும் புதிய‌ அணு தொழிற்சாலைக‌ளுக்கு பெரிய‌ த‌டைக்க‌ல்லாய் வ‌ந்து நிற்கிற‌து.இன்னிலையில் ஜ‌ப்பானில் உள்ள‌ இன்னும் 5 அணு நிலையங்க‌ள் நெருக்க‌டி ஆப‌த்தில் உள்ள‌தாக‌ த‌க‌வ‌ல்க‌ள் வ‌ருகின்ற‌ன‌.

ஜெர்ம‌னியின் வெளியுற‌வுத்துறை அமைச்ச‌ர் கைடோ "நாட்டின் அணுத் தொழிற்சாலைக‌ளின ஆயுட்கால‌த்தை நீட்டிக்க‌ அர‌சாங்க‌ம் ம‌றுக்க‌ வாய்ப்பிருக்கிற‌து" என்றார்.

அமெரிக்க‌ சென‌ட் பிர‌தினிதியான‌ ஜோ புதிய‌ அணுத்தொழிற்சாலைக‌ளுக்கான‌ ப‌ணிக‌ள் த‌ற்கால‌மாய் நிறுத்த‌ப்ப‌டுகிற‌து என‌ சொல்லி இருக்கிறார். மேலும் அணு தொழிற்சாலை ப‌ணிக‌ள் முறையான‌தா என்று இப்போது யோசிக்க‌ வேண்டி இருக்கிற‌து என‌ ஹாங்காங் நிலைஆராய்ச்சி த‌லைவ‌ர் சீம‌ன் பால் சொல்லி இருக்கிறார்.

கொரியாவில் உள்ள‌ முத‌ல் நிலை அதிகாரி "அணு மின்சார‌த்தொழில் ஜ‌ப்பான் நிக‌ழ்வுக‌ளால் சுருங்க‌ வாய்ப்பிருக்கிற‌து" என்றார்..

அணு ஆலைக‌ளுக்கு எதிர்ப்புக‌ள் வ‌ள‌ர்ந்த‌ நாடுக‌ளை விட வ‌ள‌ரும் நாடுக‌ளில் அதிக‌ம் உண‌ர‌ப்ப‌டுகிற‌து. அணு ஆலைக‌ளின் பாதுகாப்பு கோட்பாடுக‌ளை இன்னும் க‌ண்டிப்புட‌ன் ம‌று ஆய்வு செய்து ந‌டைமுறைப்ப‌டுத்த‌ வேண்டிய‌ க‌ட்டாய‌த்தில் இருக்கிற‌து. இத‌னால் காற்று போன்ற ம‌ற்ற‌ மின்சார‌ மூல‌ங்க‌ள் க‌வ‌னிக்க‌ப்ப‌ட‌ ஆர‌ம்பித்துள்ள‌ன‌.

சீனா 13 ஆலைக‌ளை ந‌ட‌த்திக் கொண்டிருக்கிற‌து இன்னும் 12 ஆலைக‌ளை க‌ட்டிக்கொண்டு இருக்கிற‌து.ஜ‌ப்பான் நிக‌ழ்வுக‌ளை நாங்க‌ள் உண்ணிப்பாக‌ க‌வ‌னித்துக் கொண்டு இருக்கிறோம். ஜ‌ப்பான் எப்ப‌டி அதிலிருந்து மீண்டு வ‌ருகிற‌து என்ப‌தே எங்க‌ளுக்கு ஒரு பாட‌ம் என்கிற‌து சீனா. 2020ல் 100GW டார்கெட் வைத்திருந்த‌ சீனா இப்போது 70GW க்கு இற‌ங்கி வ‌ரும் என‌ தெரிகிற‌து.

இந்திய‌ அர‌சாங்க‌மும் இப்போது ம‌ர‌பு சாரா எரிபொருட்க‌ளுக்கான‌ வ‌ழியை தேட‌ ஆர‌ம்பிக்க‌ வேண்டி இருக்கும் என‌ அணு மின்சார‌ க‌ழ‌க‌த் த‌க‌வ‌ல்க‌ள் சொல்கின்ற‌ன‌. ஆலைக‌ளை இன்னும் பாதுகாப்பான‌, ஆப‌த்தில்லாத‌ இட‌த்தில் வைக்க‌வும் , வைத்த‌தை ம‌று ஆய்வு செய்ய‌வும் வேண்டி இருக்கும் என‌ த‌லைமை ப‌த‌வியில் உள்ள‌ ரோபின்த‌ர் ச‌ச்தேவ் சொல்கிறார்.

ஆச்ச‌ர்ய‌மான‌ விஷ‌ய‌ம் என்ன‌வென்றால் வேக‌வேக‌மாக‌ அணுத் தொழிற்சாலைக‌ளை க‌ட்டிக்கொண்டு இருக்கும் கொரியாவும், ஜ‌ப்பானின் நிக‌ழ்வுக‌ளை கொண்டு த‌ன் அடுத்த‌ க‌ட்ட‌ நிக‌ழ்வுக‌ளை முடிவு செய்ய‌ இருப்ப‌தாக‌ கூறுவ‌துதான்.

இத‌ன் தாக்க‌ம் ப‌ங்கு ச‌ந்தையையும் விட‌ வில்லை. முன்ன‌ணி அணுத்தொழிற்சாலை நிறுவ‌ன‌ங்க‌ளின் ப‌ங்குக‌ள் 14.5% வ‌ரை ச‌ராலென‌ குறைந்திருக்கின்ற‌ன‌. ஆனால் ம‌ர‌பு சாரா ஆற்ற‌லை மைய‌மாய் கொண்டு செய‌ல்ப‌டும் நிறுவ‌ன‌ங்க‌ளின் ப‌ங்கு உய‌ந்திருக்கிற‌து.

ம‌க்க‌ளுக்கு அணுத்தொழிற்சாலைக‌ளின் ஆப‌த்துக்க‌ள் இப்போது புரிய‌ ஆர‌ம்பித்து இருக்கிற‌து. அணுத்தொழிற்சாலையை பார்த்து ப‌ய‌ப்ப‌ட‌க் கார‌ண‌ம் அது புரியாத‌ புதிராக‌ இருப்ப‌தால் இருக்கலாம். அதே நேர‌த்தில் ஒரு காற்ற‌லையையோ இல்லை சூரிய‌ மின்சார‌ம் த‌யாரிக்கும் பெரிய‌ சூரிய‌ த‌க‌டுக‌ளையோ பார்த்தால் இந்த‌ ப‌ய‌ம் வ‌ர‌ வாய்ப்பில்லை,.. கார‌ண‌ம் இங்கே மின்சார‌ம் தயாரிப்பு க‌ண் முன்னே ந‌ட‌க்கிற‌து.

க‌டைசியாக‌ என‌க்கு இதுதான் தோன்றுகிற‌து. எங்கோ கொண்டாட‌ப்ப‌டும் தீபாவ‌ளியின் ம‌த்தாப்பிற்கு சிவ‌காசியில் தீப்பிடித்து எரிந்து குழ‌ந்தைக‌ள் சாகும். ஒரு ரெண்டு நாளைக்கு அதை பேசுவார்க‌ள் அப்புற‌ம் ம‌ற‌ந்து விடுவார்க‌ள். ஜ‌ப்பான் க‌தையும் அப்ப‌டிதான் நினைக்கிறேன். துர‌திர்ஷ்ட‌வ‌ச‌மாக‌ சிவ‌காசியையும் குட்டி ஜ‌ப்பான் என‌ சொல்லுகிறார்க‌ள்.

மூல‌ம் khaleejtimes

விள‌ம்ப‌ர‌ங்க‌ள் - வாய் விட்டு சிரியுங்க‌ள்

2011-03-13T21:30:00.008+04:00

சிரிப்பை த‌ரும் பொறுப்பான‌ எச்ச‌ரிக்கை விள‌ம்ப‌ர‌ம்

எச்ச‌ரிக்கை சாமியார்க‌ளை ந‌ம்பாதீர்க‌ள் (பெய‌ர் புராண‌ம் சூப்ப‌ர்ல‌)

மிக‌ அதிக‌ செல‌வில் எடுக்க‌ப்ப‌ட்ட‌ விள‌ம்ப‌ர‌ம் (முடிந்தால் head phoneல் கேளுங்க‌ள்,.. அருமையான‌ இசை சேர்ப்பு)

எச்ச‌ரிக்கை : பெண்க‌ளை ந‌ம்பாதே க‌ண்க‌ளே பெண்க‌ளை ந‌ம்பாதே

வாய் விட்டு சிரிச்சாச்சா? ரைட்டு என‌க்கும் ரொம்ப‌ ச‌ந்தோஷ‌ம்.

ந‌ம் அணு உலைக‌ள் எந்த‌ அள‌விற்கு பாதுகாப்பான‌வை??

2011-03-12T21:12:00.007+04:00

ந‌ம் அணு உலைக‌ள் எந்த‌ அள‌விற்கு பாதுகாப்பான‌வை???

ந‌ம் அணு உலைக‌ள் பாதுகாப்பாக‌ இருக்கின்ற‌ன‌ என‌ அணு ஆற்ற‌ல் முறைப்ப‌டுத்தும் க‌ழ‌க‌ த‌லைவ‌ர் atomic energy regulatory board (AERB) பார்த்த‌சார‌தி இன்றைக்கு சொல்லி இருக்கிறார்.

"ந‌ம் அணு உலைக‌ள் 8.9 ரிக்ட‌ர் அள‌விற்கு தாங்கும் என‌ உறுதியாக‌ சொல்ல‌ முடியாது. ந‌ம் அணு உலைக‌ளின் ஸ்திர‌த்த‌ன்மை ப‌ற்றி க‌ழ‌க‌ம் மீண்டும் ஆய்வு செய்யும். 2001ல் 7.7 ரிக்ட‌ர் பூக‌ம்ப‌ அள‌வை குஜ‌ராத் அனுப‌வித்த‌போது ந‌ம் அணு உலைக‌ள் பாதுகாப்பாக‌த்தான் இருந்த‌ன‌. மேலும் இந்தியாவில் உள்ள‌ அணு உலைக‌ளில் 8.9 ரிக்ட‌ர் அள‌விற்கு நில‌ ந‌டுக்க‌ம் வ‌ரும் என‌ எதிர்பார்க்க‌ முடியாது. கார‌ண‌ம் இந்தியாவில் இம‌ய‌ம‌லை ப‌குதிக‌ள் ம‌ட்டுமே அதிநில‌ந‌டுக்க‌ப் ப‌குதிக‌ளில் வ‌ருகிற‌து. ம‌ற்ற‌ப‌டி ந‌ம் அணு உலைக‌ள் இருக்கும் இட‌ங்க‌ள் பூக‌ம்ப‌ம் தாக்குவ‌த‌ற்கு வாய்ப்பு குறைந்த‌ ப‌குதிக‌ள்தான்.

பூக‌ம்ப‌ அடிப்ப‌டையில் இந்தியாவையும் ஜ‌ப்பானையும் தொட‌ர்புப‌டுத்தி ப‌ய‌ம் கொள்ள‌ அவ‌சிய‌ம் இல்லை. கார‌ண‌ம் ஜ‌ப்பான் அதிநில‌ந‌டுக்க‌ப் ப‌குதியில் இருக்கிற‌து."

இன்று ஜ‌ப்பானில் ந‌ட‌ந்த‌ அணு உலை வெடிப்பு.

உண்மைதான். இந்தியாவையும் ஜ‌ப்பானையும் நில‌ ந‌டுக்க‌ வாய்ப்புக‌ளில் ஒரே வகையில் சேர்க்க‌ முடியாது. இந்தியாவின் மொத்த‌ மின் தேவையில் 4% ம‌ட்டுமே அணு உலைக‌ளில் இருந்து பெற‌ப்ப‌டுகிற‌து. ஆனால் ஜ‌ப்பானில் அணு உலைக‌ள் அதிக‌ம். ஜ‌ப்பானின் மொத்த‌ மின் தேவையில் 34% அணு உலைக‌ளில் இருந்து பெற‌ப்ப‌டுகிற‌து.

ந‌ம் நாட்டில் உள்ள‌ பிரச்ச‌னை ம‌க்க‌ள் நெருக்க‌ம். க‌ல்பாக்க‌த்திலியோ இல்லை கூடாங்குள‌த்திலியோ பாதிப்புக‌ள் ஏற்ப‌ட்டால் அத‌ன் பின் விளைவுக‌ள் மிக‌ மோச‌மான‌தாக‌ இருக்கும். கார‌ண‌ம் சுனாமியினால் அந்த‌ த‌லைமுறையின் வாழ்க்கை ம‌ட்டுமே பாதிக்க‌ப்ப‌டும். ஆனால் அணு உலையின் பாதிப்புக‌ள் ப‌ல‌ த‌லைமுறைகளை பாதிக்கும்.அணு உலைக‌ளின் விப‌த்துக‌ள் அணு குண்டுக‌ளைவிட‌ ப‌ய‌ங்க‌ர‌மான‌வை.

உதார‌ண‌மாக‌ செர்னோபிலில் 1986ல் ஏப்ர‌ல் 26 நிக‌ழ்ந்த‌ அந்த‌ அணு உலை விப‌த்து மிக‌ மோச‌மான‌து. த‌குதி குறைந்த‌ ஆட்க‌ளால் ந‌ட‌த்த‌ப்ப‌ட்ட‌ இந்த‌ ஆலை வெடித்த போது ஜ‌ப்பான் ஹிரோஷிமாவில் அணுகுண்டு போட்ட‌ போது வ‌ந்த‌ க‌திர்வீச்சைவிட‌ 400 ம‌ட‌ங்கு அதிக‌ம் வெளிப்ப‌ட்ட‌து. இது கிட்ட‌த்த‌ட்ட‌ 20 அணு குண்டுக‌ளை போட்டால் வ‌ரும் பாதிப்பிற்கு ச‌ம‌ம்.

இந்த‌ க‌ட்டுரையின் நோக்க‌ம் நாம் பாதுகாப்பாக‌ இல்லை முடிவு செய்து அனைவ‌ரையும் ப‌ய‌முறுத்த‌ அல்ல‌. அணு உலைக‌ள் எந்த அள‌விற்கு ஆப‌த்தான‌வை எனச் சொல்ல‌வே இந்த‌ ப‌திவு. ந‌ம் தொழிற்சாலைக‌ளில் பாதுகாப்பிற்கு என்ன‌ விலை என்ன‌வென்று அனைவ‌ருக்கும் தெரிந்த‌தே. ம‌ற்ற‌ தொழிற்சாலைக‌ளில் ந‌ட‌க்கும் விப‌த்தைப் போல‌ அணுமின் உற்ப‌த்தி நிலைய‌ங்க‌ளையும் சேர்த்துக்கொள்ள‌ முடியாது.

ஊழ‌ல் ம‌ழிந்துள்ள‌ அர‌சு நிர்வாக‌ம், க‌வ‌லைப்ப‌டாம‌ல் நிர்வ‌கிக்க‌ப்ப‌டும் ஆப‌த்து & பாதுகாப்பு கோட்பாடுக‌ள் (Hazardous & safety Law) போன்ற‌வை நம் ம‌க்க‌ளின் வாழ்க்கை ஸ்திரத்த‌ன்மையை கேள்விக்குறியாக்குகின்ற‌ன‌. ஏனெனில் ந‌ம் அர‌சாங்க‌மும், ம‌க்க‌ளும் ஒரு இந்திய‌ப்பிர‌ஜையின் வாழ்க்கைக்கு கொடுக்கும் விலை ஒண்ணுமே (Zero) இல்லைதான் என‌ சொல்ல‌ வேண்டும். என‌வே எல்லாம் ந‌ல்ல‌ப‌டியே ந‌ட‌க்கும் என‌ வாழ்க்கையை பாஸிட்டாவாக‌ எடுத்து போய்க்கொண்டிருப்போம்.

இன்னோரு கைக‌ளிலே, நான் யார் யார் நானா,..?

2011-03-12T04:02:00.010+04:00

ம‌ன‌து வ‌லிக்கும் சில‌ நேர‌ங்க‌ளில் ந‌ல்ல‌ பாட‌ல்க‌ள் ம‌ருந்தாகி விட்டு போகும். பாட‌ல்க‌ள் ப‌ல‌ வித‌ம்,. ந‌ல்ல‌ வ‌ரிக‌ளாக‌ இருக்கும்,.. இசை இருக்காது,. இசை இருக்கும் ஆனால் வ‌ரிக‌ள் சுமாராக‌ இருக்கும்,.. இவை எல்லாம் சேர்ந்து இருக்கும் போது பாட‌ல் மிக‌ மோச‌மாக‌ ப‌ட‌மாகி இருக்கும் ( ந‌ல்ல‌ உதார‌ண‌ம் : பூங்காற்றிலே உன் சுவாச‌த்தை (உயிரே), ப‌ற‌வையே எங்கு இருக்கிறாய் (த‌மிழ் MA). ஒரு சில‌ பாட‌ல்க‌ளில் மிக‌ அழ‌காக‌ அனைத்தும் சேர்ந்து இருக்கும். அது போன்ற‌ பாட‌ல்க‌ள் எத்த‌னை ஆண்டுக‌ள் க‌ழித்தாலும் நிலைத்து நிற்கும். பாட்டிற்கு மிக‌ முக்கிய‌ம் அத‌ன் வ‌ரிக‌ள். என்ன‌தான் இளைய‌ராஜா பாட‌ல்க‌ள் சூப்ப‌ர் என்றாலும் இன்னும் கேட்க‌ மிக‌ இனிமையாக‌ இருப்ப‌வை அவ‌ர் வைர‌முத்துவுட‌ன் இணைந்து ந‌ம‌க்கு த‌ந்த‌வையே. இளைய‌ராஜாவிற்கே பாட‌ல் வ‌ரிக‌ள் தேவைப்ப‌டும் போது இப்போது இருக்கிற‌ இசை அமைப்பாள‌ர்களுக்கு?? சொல்ல‌ தேவையில்லை.

பாட‌லாசிரிய‌ர் : க‌ண்ண‌தாச‌ன்

பாட‌ல்:சொன்ன‌து நீதானா?

ப‌ட‌ம் : நெஞ்சில் ஒரு ஆல‌ய‌ம்

பாடிய‌வ‌ர் : சுசீலா

இசை : விஸ்வ‌ நாத‌ன்.

பாட‌லின் க‌ரு : காத‌ல் தோல்வி (ரொம்ப‌ சிம்பிள்ளாக‌ எழுதிவிட்டேன்,.. காத‌ல் தோல்வி என்ப‌து எழுத்தில் கொண்டு வ‌ர‌முடியாத‌து,.. இல்லை என‌க்கு எழுத‌ தெரிய‌வில்லை என‌வும் சொல்ல‌லாம்)

இந்த‌ பாட‌ல் மிக‌ ப‌ழைய‌ பாட‌ல் என்றாலும் என‌க்கு மிக‌ பிடித்த‌ பாட‌ல், சுசீலாஅருமையாக‌ ர‌சித்துப்பாடிய‌ குர‌லில் க‌ண்ண‌தாச‌னின் மிக‌ அட்ட‌காச‌மான‌‌ பாட‌ல் வ‌ரிக‌ள். பாட‌லில் கேம‌ரா மிக‌ அருமை. தொழில் நுட்ப‌ இல்லாத‌ நாட்க‌ளில் முத்துராம‌ன் த‌லையில் ஆர‌ம்பிக்கிற‌ கேம‌ரா க‌ட்டிலின் கீழே ப‌ய‌ணித்து வீணைக்கு மேலே சென்று முடியும்

*இன்னோரு கைக‌ளிலே, நான் யார் யார் நானா?? எனை ம‌ற‌ந்தாயா? ஏன் ஏன் என்னுயிரே*

*தெய்வ‌த்தில் சூடிய‌ மாலை தெருவினிலே விழ‌லாமா? தெருவினிலே விழுந்தாலும் வேறோர் கை தொட‌லாமா?

*ஒரு கொடியில் ஒரு முறைதான் ம‌ல‌ரும் ம‌ல‌ர‌ல்ல‌வா, ஒரு ம‌ன‌தில் ஒரு முறைதான் வ‌ள‌ரும் உற‌வ‌ல்ல‌வா,*

பாட‌லாசிரிய‌ர் : நா. முத்துக்குமார்

பாட‌ல் : அவ‌ள் அப்ப‌டி ஒன்றும் அழ‌கில்லை

ப‌ட‌ம் : அங்காடித்தெரு

பாடிய‌வ‌ர் : Vineeth Sreenivasan, Ranjith

இசை : G. V. Prakash Kumar

பாட‌லின் க‌ரு : காத‌லை அனுப‌விக்க‌ ஆர‌ம்பித்த‌ல்,..(ம‌ன‌சு பட்டாம் பூச்சி போல‌ ப‌ற‌க்கும் என‌ சொல்லுவார்க‌ள்,. இது காத‌லிப்ப‌வ‌ருக்குதான் பொருந்தும் என்றில்லை,..பெற்றோர் பார்த்து வைக்கும் திரும‌ண‌ம் என்றாலும் பொண்ணு பார்த்த‌வுட‌ன் ஆர‌ம்பித்துவிடும் ‍ உங்க‌ளுக்கு பொண்ணு உண்மையிலேயே பிடித்து இருந்தால்)

க‌ட‌ந்த‌ ஒரு வ‌ருட‌மாக‌ முணுமுணுத்துக்கொண்டிருக்கும் பாட‌ல் (என்ன‌வோ இந்த‌ பாட‌ல் என் ம‌க‌னிற்கும் பிடிக்கிற‌து). பாட‌லில் ப‌ல‌ பாஸிட்டிவான‌ விஷ‌ய‌ங்க‌ள்,. எளிமையான‌ அஞ்ச‌லியிட‌ம் கொட்டிக்கிட‌க்கும் அழ‌கும் ந‌டிப்பும்,. எளிமையான‌ ஆனால் உறுதியான‌ பாட‌ல் வ‌ரிக‌ள், செட்டிங் என்றாலும் அழ‌காக‌ பாட‌லை கொண்டு செல்லும் கேம‌ரா, சின்ன‌ சின்ன‌ ர‌ச‌னையான‌ காட்சிய‌மைப்புக‌ள் (சாப்பிடும் போது முதுகு உர‌சிக் கொள்ளுவ‌து, சாப்பிடும் போது பெரிய்ய்ய்ய‌ தொப்பையுட‌ன் ந‌ட‌ந்து வ‌ரும் ச‌மைய‌ல்கார‌ர், ம‌ர‌ ஸ்கேலில் காத‌லை சொல்லுவ‌து,..)

*அவ‌ள் அப்ப‌டி ஒன்றும் அழ‌கில்லை, அவ‌ளுக்கு இணை யாருமில்லை"

"அவ‌ள் உடுத்தும் உடைக‌ள் பிடிக்க‌வில்லை, இருந்தும் க‌வ‌னிக்க‌ ம‌ற‌க்க‌வில்லை*

*அவ‌ள் கூந்த‌ல் ஒண்ணும் நீள‌மில்லை, அந்த‌ காட்டில் தொலைந்தேன் மீள‌வில்லை"

*அவ‌ள் கைக‌ள் மோதிர‌ம் த‌ங்க‌மில்லை,. கை பிடித்திடும் ஆசை தூங்க‌வில்லை,. அவ‌ள் சொந்த‌மின்றி ஏதுமில்லை, என‌க்கு எதுவுமில்லை"‌

*அவ‌ள் வாச‌ம், ரோஜா வாச‌மில்லை, அவ‌ளில்லாம‌ல் சுவாச‌மில்லை,. அவ‌ள் சொந்த‌மின்றி ஏதுமில்லை, என‌க்கு எதுவுமில்லை"‌

அடுத்த‌வார‌ம் வைர‌முத்து, ம‌ற்றும் க‌ர‌டிகுட்டி என‌ கேலி செய்ய‌ப்ப‌டும் ராஜேந்த‌ரின் பாட‌ல் வ‌ரிக‌ள்,..

ப‌திவுல‌க‌ம்,.. புன்ன‌கைக்க‌ ம‌ட்டும்,.

2011-03-04T14:17:00.012+04:00

ந‌ம்ம‌ இந்திய‌ ஆண்க‌ள் ஏன் இப்ப‌டி இருக்காங்க‌ ?????

ஒரே நேர‌த்த‌ல‌ நிறைய‌ ப‌திவுக‌ள் போட்டா இப்ப‌டிதான்

ஹிட்லிஸ்டில் வ‌ர்ர‌துக்கெல்லாம் ரொம்ப‌ க‌ஷ்ட‌ப்ப‌ட‌ணும்

பின்னூட்ட‌ங்க‌ள் நிறைய‌ இருக்குன்னு ஏமாந்திராதிங்க‌,.. நெக‌டிவ் ஓட்டும் விழ‌ வாய்ப்பிருக்கு

எச்ச‌ரிக்கை,.. நீங்க‌ள் காவ‌ல்துறையால் க‌வ‌னிக்க‌ப்ப‌டுகிறீர்க‌ள்

புலிக‌ள் எந்த‌ ரூப‌த்தில் இருந்தாலும் கொல்வோம் என‌ இல‌ங்கை ராணுவ‌ம் சொல்வ‌தையெல்லாம் க‌ண்டுக்காதீங்க‌,.. இல‌ங்கை ராணுவ‌த்திற்கு எதிராக‌ உங்க‌ள் குர‌லை உய‌ர்த்திக்கொண்டே இருங்க‌ள்

ப‌திவுல‌க‌ ச‌ண்டைக‌ளில் தேவையில்லாம‌ல் மாட்டீக்காதீங்க‌

வார‌ இறுதி நாட்க‌ளில் க‌ண்டிப்பாக‌ ப‌திவு போடாதீங்க‌,..ப‌டிக்கிற‌ ஆட்க‌ள் ரொம்ப‌ க‌ம்மியா இருக்காங்க‌,..

எங்கே போனாலும் ஒரு சில‌ ஆண்ப‌திவ‌ர்க‌ள் உங்க‌ளுக்கு இம்சையை கொடுப்பார்க‌ள்

தொழில்னுட்ப‌ ப‌திவுக‌ள் புதுமையாக‌ லேட்ட‌ஸ்டாக‌ இருக்க‌ கூகுலாண்ட‌வ‌ரை அணுக‌வும்

சினிமா ச‌ம்ப‌ந்த‌மாக‌ எழுதுவ‌தால் நிறைய‌ பேர் உங்க‌ ப‌திவை பார்க்கிறார்க‌ள் (உங்க‌ள் க‌ற்ப‌னைக்கு அள‌வே இல்லை தியேட்ட‌ர்கார‌ர்க‌ளே,.. பொங்குக‌ உங்க‌ள் க‌லை சேவை, ம‌ற‌க்காமால் ந‌மீதா போஸை பார்க்க‌வும்)

மிக‌ முக்கிய‌மாக‌ அலுவ‌ல‌க‌ நேர‌ங்க‌ளில் ப‌திவுல‌க‌த்திலேயே முழுக்க‌ முழுக்க‌

செல‌வ‌ழிக்காதீர்க‌ள்,. இல்லையென்றால் க‌டைசியில் ந‌ம் க‌தி இதுதான்,.

தேவையில்லாம‌ல் உங்க‌ள் ப‌திவை ரொம்ப‌ விள‌ம்ப‌ர‌ப்ப‌டுத்தாங்க‌, அது ஆப‌த்தில் முடியும்

ப‌திவு பிடித்திருந்தால் த‌மிழீஷிலும், த‌மிழ்ம‌ண‌த்திலும் ஒரு ஓட்டு.

"உள்ளூர்ல‌ போகாத‌ மாடா வெளியூர்ல‌ விலை போக‌ப்போகுது"

2011-03-01T23:28:00.008+04:00

வெளி நாடு செல்ப‌வ‌ர்க‌ளை உள்ளூர்கார‌ர்க‌ள் என்ன‌ என்ன‌மோ எழுதி கொட்டி விட்டார்க‌ள். வெளிநாடு சென்ற‌வ‌ர்க‌ளும் கூலித்தொழிலாள‌ர் என்றால் வ‌ராதீர்க‌ள், ந‌ல்ல‌ ப‌த‌வி இருந்தால் ம‌ட்டும் வாங்க‌ என‌ எழுதி தீர்த்துவிட்டார்க‌ள். ஆத‌லால் அதை ப‌ற்றி எழுத‌ப்போக‌வில்லை,..

"க‌ல‌க்கிட்ட‌டா ம‌ச்சி" என‌ ந‌ம்மிட‌ம் ந‌ன்றாய் பேசும் ந‌ம் உற்ற‌ ந‌ண்ப‌ர்க‌ள் கூட "உள்ளூர்ல‌ போகாத‌ மாடா வெளியூர்ல‌ விலை போக‌ப்போகுது" "அப்ப‌டி என்ன‌ ப‌ண‌ம் வேண்டிக்கிட‌க்கு" என‌ ச‌க‌ ந‌ண்ப‌ர்க‌ளிட‌ம் கிசுகிசுப்பார்க‌ள். கிண்ட‌ல்க‌ளும் கேலிக‌ளும் எல்லா ம‌ன‌ங்க‌ளுக்கும் பொதுவான‌து. எல்லாவ‌ற்றையும் ஏற்றுக்கொண்டு சாதித்துக்காட்டுவ‌தில் ஒருவ‌ரின் வெற்றி இருக்கிற‌து.

எதேச்சையாக‌ அன்று ந‌ண்ப‌ரின் ச‌கோதர‌ர் ம‌ணி என்னை பார்க்க‌ வ‌ந்திருந்தார். இவ‌ர் கொஞ்ச‌ம் வித்தியாச‌மான‌ ஆள். ஒரு அக்கா ஒரு த‌ங்கை,..இருவ‌ருக்கும் க‌ல்யாண‌ம் ப‌ண்ணிக்கொடுத்து விட்டார். அப்பாவும் அம்மாவும் இருக்கிறார்க‌ள். வெளினாட்டில் ஓவ‌ர்டைம் ஓவ‌ர்டைம் என‌ ச‌ம்பாதித்து அக்கா, த‌ங்கை க‌ல்யாண‌த்தை த‌டால்புடாலாக‌ ப‌ண்ணிய‌வ‌ர் த‌ன் க‌ல்யாண‌த்தை திருப்ப‌தியில் ப‌த்தோடு ப‌தினொன்றாக‌ ப‌ண்ணினார். அக்கா த‌ங்கைக‌ளுக்கு க‌ல்யாண‌ம் ப‌ண்ணி முடிப்ப‌த‌ற்குள் இவ‌ருக்கு முப்ப‌து வ‌ய‌தாகிவிட்ட‌து. பைய‌னுக்கு க‌ல்யாண‌ம் ப‌ண்ண‌ வேண்டுமே (!!!) என‌ அவ‌ச‌ர அவ‌ச‌ர‌மாக‌ கிடைத்த‌ பெண்ணை வைத்து க‌ல்யாண‌ம் ப‌ண்ணிவிட்டார்க‌ள். பாவ‌ம், அவ‌ருக்கு க‌ல்யாண‌ம் ப‌ண்ணும் போது அவ‌ர் கையில் காசில்லை,.. க‌ல்யாண‌ம் முடிந்து மூன்று வ‌ருட‌ம் இந்தியாவில் இருந்த‌வ‌ர் மீண்டும் ம‌த்திய கிழ‌க்கு நாடுக‌ளுக்கு வ‌ந்துவிட்டார்.

ந‌ண்பரின் ச‌கோத‌ர‌ர் ம‌ணி ந‌ன்கு தூங்கிக்கொண்டு இருந்தார். திடீரென‌ "அம்ம்ம்ம்ம்ம்மா" என‌ கத்தினார். அவ‌ர் க‌த்திய‌ க‌த்த‌லில் நானே ப‌ய‌ந்துவிட்டேன். ஏதோ கெட்ட‌ க‌ன‌வு க‌ண்டிருப்ப‌ர்னு நினைக்கிறேன், சுத்த‌மாய் தூக்க‌மே போச்சு,.. அவ‌ருக்கும் போச்சுதான் நினைக்கிறேன். புர‌ண்டு புர‌ண்டு ப‌டுத்துக் கொண்டிருந்தார். என‌க்கு ந‌டுவில் எப்ப‌டியோ தூக்க‌ம் வ‌ந்த‌தால் தூங்கிவிட்டேன்,.. திரும்ப‌வும் அவ‌ர் புர‌ண்டு ப‌டுத்தார், த‌ண்ணீர் குடிக்க‌ப்போனார்,.. திரும்ப‌ வ‌ந்தார். அவ‌ரின் இந்த‌ செய‌ல்க‌ளால் என‌க்கும் தூக்க‌ம் சுத்த‌மாக‌ போய்விட்ட‌து. புர‌ண்டு புர‌ண்டு ப‌டுத்துக்கொண்டிருந்தேன்,..

திடீரென‌ ந‌ண்ப‌ர் "ஜோதி, ஜோதி" என‌ எழுப்பினார்

"என்ன‌ ம‌ணிய‌ண்ணா?"

"ஒரு போன் ப‌ண்ணிக்க‌வா?"

"அட‌ ப‌ண்ணுங்க‌ண்ணா"

டிரிங் ட்ரிங்,..

"செல்வி,.. என்ன‌ ப‌ண்ற‌,..எழுந்திட்டியா? இன்னும் ச‌மைக்க‌லைல,.. கேஸ் ஸ்ட‌வ் டியூப் லூசா இருக்காணுன்னு பாரு"

"அட‌ என்ன‌ங்க‌, காலைல‌ இதுங்க‌ டீ டீன்னு உயிர‌ எடுக்குதுங்க‌, நீங்க‌ டியூப் லூசா இருக்கா, ந‌ட்டு லூசா இருக்கான்னு உயிரை வாங்கிட்டு இருக்கீங்க‌, டியூபெல்லாம் டைட்டாதான் இருக்கு"

இர‌வு நிச‌ப்த‌மான‌தால் போன் "டொக்"கென‌ வைக்கப்ப‌டும் ச‌த்த‌ம் ந‌ன்றாக‌வே கேட்ட‌து. யார் சொன்ன‌து ஊமையின் அழுகை கேட்காதென்று,..

இந்த‌ க‌தை உண்மையில்லை என்றாலும், இங்கே வ‌ருகின்ற‌ ப‌ல‌ தொழிலாள‌ரின் க‌தைக‌ள் மௌன‌மாக‌வே இருந்துவிட்டு போகின்ற‌ன‌,..

காருக்கு பெட்ரோல் தேவையில்லை

2011-02-26T19:16:00.011+04:00

காற்றினால் ஓடும் கார்கள், கேட்கவே இனிப்பா இருக்கா? என்ன‌ கார‌ண‌ம்? காற்று எல்லாப்பக்கமும் இலவசமாய் கிடைக்கிறது முக்கியமாக பெட்ரோல் மாதிரி தீர்ந்து போகப்போவதில்லை. இதுதான் நம் கண்ணுக்கு தெரிந்து,.. தெரியாதது??? நிறைய இருக்கு,..தொடர்ந்து படியுங்கள்,..

அப்படி என்ன பொல்லாத‌ தொழில் நுட்பம்,.??

காற்றினால் ஓடும் கார்களுக்கு ஒரு முழுக்க காற்றடைத்த பலூனை அடிப்படை உதாரணமாக சொல்லலாம். பலூனில் முழுக்க காற்றடித்துவிட்டு பின் வாய்ப்பகுதியில் உள்ள நூலை எடுத்து விடுங்கள்,.. பலூன் கட்டுப்பாடில்லாமல் இங்கும் அங்கும் ஓட ஆரம்பிக்கும். இதேதான் காருக்கும். பலூன் அடிப்படை தத்துவத்தையே காருக்கு பயன்படுத்தி, கட்டுப்பாட்டில் கொண்டு வருவதில்தான் அறிவியல் தொழில்நுட்பம் அடங்கி இருக்கிறது,..

காரில் பெட்ரோலுக்கு பதில் உள்ள டாங்கில் காற்று மிக மிக அழுத்தத்தில் அடைக்கப்படுகிறது. பின் அந்த காற்று மெதுவாக வெளியேற்றும் போது அந்த ஆற்றலானது கார் இஞ்சின் மூல‌ம் சக்க‌ர‌ங்க‌ளை ஓட‌ வைக்கிற‌து. (இங்குதான் நிறைய பிரச்சனைகள். அதை தொழில் நுட்ப உலகம் சரி செய்ய முயற்சி செய்து கொண்டிருக்கிறது).

கார் காற்றில் ஓடுவதால் என்ன பலன்கள்?

நான் முன்பே சொன்னது போல காற்று எளிதாக‌ இல‌வ‌ச‌மாக‌ தீர்ந்து போகாம‌ல் கிடைக்கிற‌ ஆற்றல் கடத்தி. 60 ரூபாய் கொடுத்து டேங்கை முழுக்க அடித்துக்கொண்டால் 2௦௦ கிலோமீட்டர் வரை செல்லலாம் அதாவது ஒரு கிலோ மீட்டருக்கு 3௦ பைசா. இதே நிலையில் பெட்ரோலுக்கு ஒரு கிலோ மீட்டருக்கு 4 ருபாய். எஞ்சினில் எதுவும் எரிக்கபடாததால் மாசு வெளியாவது கிடையாது (மாசு - சிம்பிளாக இதை நான் சொன்னாலும் இனி வரும் காலங்களில் இது மிக மிக முக்கியம். இல்லையென்றால் ந‌ம்ம‌ துறைமுக‌ம் கொடைக்கான‌லில் இருக்கும்),

த‌டைக்க‌ல்லாய் உள்ள‌ பிர‌ச்ச‌னைக‌ள்,.

இதன் அதிகபட்ச வேகம் குறைவு (மணிக்கு அதிகபட்சம் 100-140 கிலோ மீட்டர் மட்டுமே), ஆனால் இது ந‌ம்ம‌ ஊரு சாலை நெருக்க‌டிக்கு தாராள‌மாக‌ போதும்

அதிக அழுத்தத்தில் காற்று அடைக்கப்படுவதால், விபத்தின் போது வெடிக்கும் போது தீப்பற்றி கொள்ளக்கூடிய ஆபத்தெல்லாம் இல்லை. ஆனால் காற்று கார் ஒரு பலூன் போல என்பதால் வெடிக்கும் போது வண்டி எங்கோ தூக்கி வீசப்படலாம் (ராக்கெட் மாதிரி வெச்சுக்குங்களேன். ஆனால் இது ச‌ரி செய்ய‌ப்ப‌ட்டுவிடும். (குக்க‌ர்ல‌ அதிக‌ அழுத்த‌ம் வ‌ந்துவிட்டால் மேலே இருக்கிற‌ சேப்டி வால்வ் மாதிரி இதுக்கும் ரெடியாகிகொண்டு இருக்கிற‌து)

இப்ப‌டி என்ன‌தான் பிரச்ச‌னைக‌ள் இருந்தாலும் அவை ச‌ரி செய்ய‌க்கூடிய‌ நிலையில் அவை இருப்ப‌தாய் என‌க்கு புல‌ப்ப‌டுகிற‌து.

2008 ஆம் ஆண்டு டாட்டா மோட்டார்ஸினால் இந்த கார்கள் 2010 ஆம் ஆண்டு மார்க்கெட்டிற்கு வரும் என அறிவிக்கப்பட்டாலும் இன்னும் தொழில் நுட்ப சிக்கல்களால் கார்கள் மார்க்கெட்டிற்கு வரமுடியவில்லை,..

அதும‌ட்ட‌ம‌ல்ல‌,.இது உல‌க‌ பொருளாத‌ர‌த்தையே புர‌ட்டிப்போடும் என்ப‌தால் எந்த‌ அர‌சாங்க‌மும் முறையான‌ பாஸிடிவ் ந‌ட‌வ‌டிக்கைக‌ளை எடுக்க‌வில்லை. சும்மா கிடைக்கிற‌ பெட்ரோலை கன்னாபின்னாவென்று விலை நிர்ண்ய‌ம் செய்யும் அதிகார‌வ‌ர்க்க‌த்திற்கு இது பிர‌ச்ச‌னைக‌ள் த‌ரும் என்ப‌தால் த‌ன்னால் முடிந்த‌ அள‌விற்கு முட்டுக்க‌ட்டைக‌ளை போட்டுக்கொண்டு இருக்கிற‌து.

ரோட்டிற்கு வ‌ருவ‌த‌ற்கான‌ சாத்திய‌கூறுக‌ள்

ஆனால் ம‌ற்ற‌ நாடுக‌ள் போலில்லை இந்தியாவின் நிலை,..

நாளாக‌ நாளாக‌ நாம் பூமியில் இருந்து எண்ணெயை எடுத்து கொண்டே இருக்கிறோம். ஒரு சொட்டு கூட‌ எண்ணெய் இல்லை என‌ சொல்ல‌க்கூடிய‌ நாட்க‌ள் ரொம்ப‌ தொலைவில் இல்லை,.. (இத‌ற்கு இன்னும் அதிக‌ப‌ட்ச‌ம் 60 ஆண்டுக‌ள்தான், இப்போதே ஓம‌னில் எடுக்க‌ப்ப‌டும் எண்ணெயில் 98% த‌ண்ணிதான் இருக்கிற‌து, 2% ம‌ட்டுமே எண்ணெய்),.. ம‌த்திய‌ கிழ‌க்கு நாடுக‌ளில் உள்ள‌ க‌ச்சா எண்ணெய் கிண‌றுக‌ளும் நிறைய‌ வ‌ற்ற‌ துவ‌ங்கிவிட்ட‌ன‌. என‌வே பெட்ரோலைவிட்டு வ‌ந்தாக‌ வேண்டிய‌ க‌ட்டாயத்தில் உல‌க‌மே இருக்கிற‌து,..

அதும‌ட்டம‌ல்ல‌ இந்தியாவின் பொருளாதார‌த்தை நிர்ணயிக்கும் கார‌ணியாக‌ விவசாய‌த்திற்கு அடுத்த‌ப‌டியாக‌ க‌ச்சா எண்ணெய் உள்ள‌து. கார‌ண‌ம் ந‌ம்மிட‌ம் கிடைக்கும் க‌ச்சா எண்ணெய் ந‌ம் தேவையில் 20% ம‌ட்டுமே. மீதி 80% நாம் இற‌க்கும‌தி செய்கிறோம் (உல‌க‌ அள‌வில் இற‌க்கும‌தியில் நாலாவ‌து இட‌ம்),.. ந‌ம்முடைய‌ மொத்த‌ செல‌வில் பெரும்பாலான‌ தொகை க‌ச்சா எண்ணெய் இற‌க்கும‌திக்கே செல‌வாகிற‌து. நாளாக‌ நாளாக‌ க‌ச்சா எண்ணெய் உற்ப‌த்தி குறைவ‌தால் பெட்ரோல் விலை அதிக‌ரிக்கும். அது ம‌ட்டும‌ன்றி நம் அர‌சாங்க‌ம் ம‌க்க‌ள்தொகை அதிக‌ரிப்பை குறைக்க‌ எந்த‌ ந‌ட‌வ‌டிக்கையும் எடுக்காத‌தால் பெட்ரோல் தேவையும் அதிக‌ரித்துக்கொண்டே செல்லும். என‌வே இந்த‌ நிலையில் காற்று கார், மின்சார‌ கார் போன்ற‌வையே மாற்று வ‌ழி என்ப‌து திண்ண‌ம்.

டாடா நிறுவ‌ன‌ம் காற்று கார் த‌யாரிக்கும் உரிமையை பிரான்ஸ் நிறுவ‌ன‌த்திட‌ம் வாங்கி உள்ள‌து. நாளை இல்லாவிட்டாலும், நாளை ம‌று நாள் இல்லாவிட்டாலும் இன்னும் ஒரு 15 ஆண்டுக‌ளில் காற்று கார் ந‌ம் வீதிக‌ளில் வ‌ந்தால் ஆச்ச‌ர்ய‌ப்ப‌டுவ‌ற்கு ஒன்றும் இல்லை. அப்போது க‌ண்டிப்பாக‌ ந‌ம் பொருளாதார‌ம் உச்ச‌த்தில் இருக்கும்,.. ந‌ம் ம‌க்க‌ள் தொகையையும் சேர்த்து,..

பெட்ரோல் இல்லாம‌ல் ஓடும் கார் உங்க‌ள் பார்வைக்கு

ம‌ற‌ந்துவிடாம‌ல் இண்டிலியிலும்,த‌மிழ்ம‌ண‌த்திலும் வாக்க‌ளித்து உற்சாக‌ப்ப‌டுத்துங்க‌ள்.

கடவுளே எனக்கு மட்டும் ஏன் இப்படி நடக்கிறது,..??

2011-02-22T23:26:00.009+04:00

ரொம்ப நாளாச்சு பதிவெழுதி,.. (பதிவராய் இருப்பதைவிட பார்வையாளராய் இருப்பதில் ரொம்ப சந்தோசம்,..)

என்னன்னே தெரிலைங்க,.. வர வர மூளையே வேலை செய்ய மாட்டிங்கீது,.. சமீபத்தில் அப்படி பாதித்தவை,..

--------------------------------------------------------------------------------

நான் எப்பவுமே சொன்ன டைமில் ப்ரொஜெக்டை முடித்து கொடுக்காததால் எனக்கும் என் ஜெனரல் மேனஜருக்கும் சண்டை,.. ஒரு கட்டத்தில் இது தினமும் நடப்பது போலாகிவிட்டது,.. நான் இது பற்றி என் முன்னாள் ஜுனியரிடம் புழம்பிக் கொண்டு இருந்தேன்,..

"ஏன்தான் எனக்கு வர்ற தலைங்களெல்லாம் இப்படி இருக்கனுங்கன்னு தெர்ல,..ச்சைன்னு ஆகி போச்சு "

"விடுங்க சார், இதுக்கெல்லாம் டென்சன் ஆக கூடாது . நேத்துதான் நான் ஒரு ஜோக் படித்தேன்,..அதாவது பாஸோடு விவாதிக்கிறது பன்னியோடு சகதியில் சண்டை போடுவது மாதிரி,. ஒரு டைமுக்கு அப்புறம் நாம ச்சை நாம இந்த பன்னிகூட சகதியோட நிக்கிறோம்னு சகதியோட நினைப்போம்,. ஆனா அந்த பன்னி என்ஜாய் பண்ணிக்கிட்டு இருக்கும்"

"ஹ ஹ " சிரித்து வந்தேன்,.. மனசில்ல இருந்த பாரமெல்லாம் இறங்கிருச்சு,..

"என்னங்க,.." மனைவி ,..

பன்னிக்கதையை சொன்னேன்,..

"சுரேசுக்கு மொதல்ல நீங்கதானே பாஸ்,..""

"#$%$^%^&*#^*&*&^"

பல்ப் வாங்கினதக்கு அப்புறம் அது குண்டு பல்பாய் இருந்தால் என்ன? டியுப் லைட்டாய் இருந்தால் என்ன??

-------------------------------------------------------------------------------------------------------------

என் நண்பரின் மகன் வீட்டிற்கு வந்திருந்தான்,.. DAV யில் ரெண்டாவது படிக்கிறானாம் (அது ஏன் DAV DAV ன்னு எல்லாம் அடிச்சுக்கிராங்கன்னு தெர்ல),. நான் வீட்டில் இருந்து ஆப்பிள் பழங்களை எடுத்துக்கொடுத்தேன்,.

"அங்கிள் வேணாம்"

"யே,. பழம் சாப்பிடு உடம்புக்கு நல்லது"

"சரி,. கழுவி தாங்க,..தோல்ல கிருமிகெல்லாம் இருக்கும்"

ச்ச்ச்சை,.. அவமானம்,. கழுவி கொடுத்தேன்,..

"உங்களுக்கு??????"

" நான் ஆரஞ்சு சாப்பிடுறேன்"

எடுத்து சாப்பிட உட்கார்ந்தேன்,.. ச்ச்ச்சை,..கழுவலையான்னு அவன் கேட்டாமறுபடியும் அவமானம் ஆகிவிடும்,.. கழுவி விட்டு வந்தேன்,..

"அங்கிள்,..நீங்கதான் ஆரஞ்சு தோலை சாப்பிட மாட்டிங்களே,.. ஏன் கழுவி தண்ணியை வேஸ்ட் பண்ணிங்க ????

" Brilliant" வழிந்துவிட்டு வந்தேன்,..

நண்பன் வந்தவுடன் முழுக்கதையை சொன்னேன்,..

"தோலை கீழே போட்டவுடன் அதை மாடுகள் சாப்பிட்டால் அவை பாதிப்பாகும் சொல்லி சமாளிக்கலமுன்னு பாத்தேன்,.. அப்புறம் எதுக்குன்னு விட்டுட்டேன்,.."

" நல்ல வேளை, நீ சொல்ல வில்லை" இது என் நண்பன்

" ஏன்"

"மாடுங்க எதையுமே கழுவி சாப்பிடறதில்லைன்னு என் மகன் சொன்னாலும் சொல்லுவான்"

பல்ப் வாங்கினதக்கு அப்புறம் அது டியுப் லைட்டாய் இருந்தால் என்ன?? கலங்கரை விளக்கம் பல்ப்பா இருந்தால் என்ன??

கடவுளே எனக்கு மட்டும் ஏன் இப்படி நடக்கிறது,..??

-------------------------------------------------------------------------------------------

சரி வந்ததுக்கு ஒரு நியூஸ் சொல்லிவிட்டு போறேன்,..

கீழே உள்ளதுதான் கல்யாணத்துக்கான உலக முத்திரை,.. நம்ப முடியலைல்ல?????

மறந்துவிடாமல் தமிழிசிலும் தமிழ்மணத்திலும் ஒட்டு போடுங்க,.. (வந்து ரெண்டு வருஷம் ஆனாலும் இப்போதுதான் தமிழ்மணத்தில் என் பதிவு வருகிறது,...)

தூக்கணாங்குருவி, சுவாரஷ்யங்களின் பெட்டகம்,..

2010-10-01T18:53:00.022+04:00

ஆச்சர்யங்களின் பொக்கிஷம்,. சுவாரஷ்யங்களின் பெட்டகம்,.. அவைதான் தூக்கணங் குருவிகள்,..

தூக்கணாங்குருவி பொதுவாக தெற்காசியா முழுவதும் காணப்பட்டாலும் இந்தியாவில்தான் இவை பெரும் எண்ணிக்கையில் இருந்தன. ஆம் இருந்தன. எத்தனை பேர் பார்த்திருப்பார்கள் என தெரியாது. ஆனால் அவை கட்டிய கூட்டை படத்திலாவது பார்த்திருக்காலம்.
இன்றைக்கு இவைகளின் எண்ணிக்கை மிக மிக வேகமாக குறைந்து கொண்டே வருகிறது. அதனால்தான் இந்த பதிவு,..

தூக்கணங்குருவிகளின் தனித்தன்மை அவைகளின் கூடுகள்தான்.

வைக்கோலாலும், புல்லாலும் நெய்யப்பட்ட (கவனிக்க,.. கட்டபட்ட இல்லை,. ) இவற்றின் கூடுகள் மிக ஆச்சர்யம் வாய்ந்தவை. மேலே உருண்டையாகவும் கீழே நீளமான நீட்சிப்பகுதியாகவும் கட்டப்பட்ட இவை வாசல் பகுதி கீழ்னோக்கி இருக்கும், உள்ளே இருக்கும் அந்த வடிவமைப்பையும், மிருதுவையும் பார்க்கும் போது நாம் கூட்டிற்குள் போய் தூங்கி கொள்ளலாமா என ஆசை வருவது தவிர்க்கமுடியாது.

கூட்டின் உட்புறத்திற்கு மிருதுவான நெல் வைக்கோலைப் பயன்படுத்துகின்றன. வெளிப்புறத்திற்கு மற்ற உறுதியான புல், நீளமான வைக்கோல் இவற்றுடன் உறுதிக்காக ஈரமான களிமண், உலராத மாட்டு சாணி போன்றவற்றை பசை போல் பயன்படுத்தி கூட்டை உருவாக்குகின்றன. இவைகளின் சிறப்பான வடிவு கொண்ட அலகால் வைக்கோலையும், புல்லையும் முடிச்சு (??) போட்டு காட்டபடும் இவற்றின் கூடுகள் மிக உறுதியானவை. இதனால் வைக்கோல் கூடு பிரிவதில்லை, காற்றினால கீழே விழுவதில்லை. முக்கியமாக உறுதியான, பாதுகாப்பான கூட்டை உருவாக்கும் பொறுப்பு ஆண் பறவைகளை சார்ந்தது. (இவைகளிலுமா??)

செழிப்பான நீர் பகுதி, உயரமான பனை/தென்னை மரம், போன்ற இடங்களில் கூட்டை கட்டுகின்றன. கூட்டம் கூட்டமாக வாழும் இவைகளின் கூட்டத்தில் 20-30 வரை கூடுகள் இருக்கும். ஒரு கூடு கட்ட 500 தடவை சேகரிப்பிற்காக பறக்கின்றன. மொத்தம் 4000 பதர்களை கொண்டு இவை கூடு கட்டுகின்றன. மொத்தம் கூடு கட்ட 18 நாட்கள் எடுத்து கொள்கின்றன. அவற்றில் குடுவை போல இருக்கும் பகுதிக்கு 8 நாட்கள் வரை எடுத்து கொள்கின்றன.

கூடு ஓரளவிற்கு முடிந்த பின் ஆண் குருவி வாசலில் இருந்து பறந்து செல்லும் பெண் குருவிக்களுக்கு சமிக்கை கொடுக்கும் (என்னை பார் என் கூட்டை பார்). பின் பெண் குருவி உள்ளே வந்து பார்வை இடும். அதற்கு திருப்தி இருந்தால் இணைவிற்கு ஓகே சொல்லிவிடும்.

பின் நீளமான வால் போன்ற பகுதியை கட்ட ஆரம்பித்து கூட்டை முடிக்கும். கூட்டின் உட்பகுதிகளில் பெண்குருவிகளின் விரும்பத்திற்கு ஏற்றார் போல் கட்ட வேண்டியது ஆண் குருவிகளின் பொறுப்பு. சில நேரங்களில் உட்கட்ட அமைப்புகளில் திருப்தியுறாத பெண் பறவைகள் தாங்களே தன் விருப்பத்திற்கு ஏற்றது போல கட்டிக்கொள்கின்றன.(அப்போது ஆண் பறவைகள் மிக டென்சனாய் இருக்கும்,.. கிளைண்ட் பிடிக்கலைன்னு project கேன்சல் பண்ணிட்டா??),..

ஆனால் கூட்டின் வடிவமைப்பை விட அது பாதுகாப்பான இடத்தில் இருக்கிறதா என்பதே முக்கியத்துவம் பெறுகின்றன. ஆண் பறவைகள் நிறைய கூடுகளை கட்டி முடிக்காமலே வைத்திருக்கும். பெண் துணை உறுதியானதும் பின் கூடு முழுமையடையும்,. பெண் பறவை 3-4 முட்டைகளை இடும் (அதுக்கு மேலே விட்டா கூடு கீழே விழுந்திரும்மில்ல,..),. பெண்பறவை 15 நாள் வரை அடைகாக்கிறது.குஞ்சு ஓரளவிற்கு வளர்ந்து பறந்து சென்றுவிடட்டவுடன் ஆண் குருவி அடுத்த பெண் குருவிக்கு அடுத்த கூட்டை காட்ட ஆரம்பிக்கிறது. பறவைக்குஞ்சு அருகில் உள்ள பகுதிகளுகு இடம் பெயர்கிறது. அப்படி இடம் பெயர்ந்தாலும் அதி இரண்டு கீ.மீக்குள்தான் இருக்கும்,.

இவை ஆச்சர்யம் வாய்ந்த புத்திசாலிப்பறவைகள். நகரங்களில் இருப்பவர்கள் இரவில் ஒளி தரும் மின்மினிப்பூச்சிகளை பார்த்திருக்க வாய்ப்பில்லை,.. இந்த தூக்கணங்குருவிகள் இந்த பூச்சிகளை எடுத்து ஈரமான களிமண்ணில் வைத்து தன் கூட்டின் சுவற்றில் ஒட்டிவிடும். இதனால் இரவு கூட்டிற்கு வெளிச்சம் கிடைக்கும்.

வழக்கமாக நாங்கள் கிராமத்தில் முதுகு சொறிய இவற்றின் பழைய கூட்டைப் பயன்படுத்துவது உண்டு. இந்த முறை ஊருக்கு போன போது நைலானாலான தேய்ப்பான் கிடைத்தது. என்னவென்று விசாரித்தால் நாமதான் நெல்லும் போடறதில்ல, கம்பும் போடறதில்லை, எப்படி குருவி தென்னை மரத்தில் கூட கட்டும் என பதில் வந்தது,. உடம்போடு ஒட்டாத அந்த நைலான் உதவியால் அழுக்கு தேய குளித்துவிட்டு வந்தேன். ஆனால் மட்டும் அந்த குற்ற உணர்ச்சி அப்படியே தொக்கி நிற்கிறது,.. தூக்கணங்குருவிகளின் மறைவு யாரால்??

நம் குழந்தைகள் இன்னும் எவற்றையெல்லாம் இழக்கப்போகின்றனர் எனத் தெரியவில்லை,.. அவர்களின் தூக்கணாங்குருவிகள் கம்ப்யூட்டரோடு முடிந்துவிடுமா??

பதிவுலக அருஞ்சொற்பொருள்

2010-09-27T03:16:00.010+04:00

பொதுவாக நம் பக்கத்திற்கு வரும் புதிய பதிவர்களின் கஷ்டத்தை போக்க இந்த அருஞ்சொற்பொருள் சேவை,..

சொம்பு :
பதிவுலக பிரச்சனைகளில் நடுவில் மாட்டிக்கொள்ளும் அப்பாவியை துவம்சம் செய்யும் ஆயுதம். இரண்டு குரூப் டமால் டுமீள் என சண்டை போட்டுக் கொள்ளும் போது "நாமெல்லாம் சண்டை போட வேணாம் தல" என வரும் இவர்களை ரெண்டு க்ரூப்பும் சேர்ந்து காலி செய்துவிடும், சண்டைகளில் பஞ்சாயித்து பண்ண கையில் "சொம்பை" தூக்கிக் கொண்டு வந்துவிடுகிறான் என வர்ணிப்பதால் இப்பெயர்க் காரணம் வந்தது.

ஆப்பு:
இப்படி ரொம்ப நல்லவனாக நாம் சமாதனத்தூதுவனாக செல்லும் போது நம் நண்பன் ஒருவனே காலை வாரிவிடுவான். இதன் பெயர்தான் ஆப்பு. சில நேரங்களில் நம் எழுத்து இடறி நாமே நம்மை வாரிக் கொள்வோம். இது நமக்கு நாமே வைத்துக் கொள்ளும் ஆப்பு,..

தோப்பு
தனியாக இது போன்ற சண்டைகளில் நாம் மாட்டிக்கொள்ளும் போது அங்கிருக்கும் மொத்த பதிவர் கூட்டமே நமக்கு சேர்த்து வைக்கும் எண்ணிக்கையிலடங்கா ஆப்புகளுக்கு தோப்பு என பெயர்,.. பொதுவாக தோப்பில் சிக்கி கொள்ளும் பதிவர் ஒன்று பதிவுலத்தைவிட்டு ஓடி விடுகிறார்,. இல்லை என்றால் தன் நிலை பிறள்கிறார் (பாருங்க ,.. நான் எப்படி டீசண்டா சொல்லுறேன்)

பின்னூட்டம்
ஆப்பு வாங்குவதற்கு/வைப்பதற்கு நாம் பயன்படுத்தும் உளி. இது முழுக்க ஒரு பதிவை படித்தபின் தமிழீஷ் ஓட்டைத் தவிர இதையும் சன்மானமாக அளிக்க வேண்டியது. ஆனால் பலர் படிக்காமலேயே எழுதி வைத்துவிட்டு செல்வதுதான் கொடுமை. இதைதான் ஆப்புடன் கூடிய பல்பு என பதிவுத்துறை வர்ணிக்கிறது (அதாம்பா,.. பதிவர்கள் இருக்கும் துறை). யாருக்கும் ஆப்பு வைக்காமல் தன் வருகையை மட்டும் பதிவு செய்வதை "மீ த ப்ர்ஸ்ட்" என வரையரை செய்யப்படுகிறது (burst இல்ல first,.. வந்த உடனே ஒரு மனுஷன் burst ஆனா என்னவாகிறது),.. இதன் மூலம் (அட,.ச்சை,.. அதாம்பா origin) என்னவென்றால் முதல் காலத்தில் பின்னால் (இது பேக் சைடு இல்ல) குத்தி குத்திக் காட்டி பதிவர்களை ஊக்கப்படுத்தியதால் பிற்காலத்தில் இது மறுவி பின்னூட்டம் என அழைக்கப்படுகிறது. (ஷ்ஷ்ஷ்ப்பாடா,. மூச்சு வாங்குது)

மொக்கை
ஒரு பதிவரால் ஹிட் ஆகுமா/ ஆகாதா என சந்தேகத்துடன் எழுதும் பதிவு. ஆனால் பதிவுலக நடைமுறைகளின்படி (அப்படின்ன இன்னாபா??) இவை ஹிட் ஆகிவிடும். இதன் மூலம் எப்படியென்றால் முதலில் பதிவுகளை அனுபவம் இல்லாமல் பெரிதாக (அதாம்பா மொக்கையாக) எழுதிவிடுவர், அது பெரும்பாலும் ஒத்தை ஓட்டுடன் சொத்தையாக நிற்கும்.

தங்கமணி
பதிவுலகத்தால் துவைத்துப்போடப்படும் விவரமான அப்பாவி மனைவிமார்கள். (ஆனால் வீட்டில் எல்லாத்துணியையும் துவைப்பது நம் பதிவர்கள்தான் என்பது அனைவரும் அறிந்ததே,.) இதற்கான பெயர்காரணம் குறித்து முறையான ஆதாரங்கள் இல்லை,.. ஆனால் வீட்டில் உள்ள மனைவிமார்கள் அடிக்கடி "தங்கம்" வாங்க "மணி" கேட்பதால் தங்கமணி இந்த பெயர் வந்திருக்கலாம்,.. (இதில் expert நம்ம பதிவர் ஆதிதான்,.. சான்சே இல்ல,. அவரின் கற்பனை தங்கமணி கதைகளுக்கு நான்/என் அலுவலக நண்பர்கள் அடிமை என்றே சொல்லலாம், நேரம் கிடைத்தால் புது பதிவர்கள் அங்கே விஜயம் செய்யுங்கள்,. தானாகவே எழுத வேண்டும் என்ற ஆர்வம் பிறக்கும்)

பிரபலப்பதிவர்
இது மிகமிக முக்கியம் நண்பர்களே,.. இவர் பதிவர்களுக்கு முன்னோடியாக பதிவுலகத்தால் கருதப்படுகிறார். ஆனால் செயல்கள் எல்லாம் பின்னால் இருந்து நகர்த்துபவையாக இருக்கும். இவர்களுக்கு இந்த பெயர் எப்படி வந்தது என அரிச்சுவடிகளில் (அரிச்சுவடியா? ஆத்திச்சூடியா,.. அய்யயோ சரியா தெர்லயே) தேடிப்பார்த்த போது இவர்கள் போற இடமெல்லாம் பிராபலம் வருவதால் பிராபலப்பதிவர், பிராபலபதிவர் என அழைக்கப்பட்டு பின்னர் தொழில்னுட்ப வளர்ச்சியால் பிரபலப்பதிவர்கள் ஆனார்கள்,..

இவர்கள் இல்லாமல் மூத்தபதிவர்கள் என்ற வகை உள்ளது. இவர்களில் இரண்டு பிரிவு உள்ளது. ஒன்று வயதான பதிவர்கள் (மரியாதைக்காக யாரும் இவர்களை ஒண்ணும் சொல்லமாட்டார்கள்,..), இன்னொன்று 2007ல் இருந்து எழுதிக்கொண்டிருக்கும் பதிவர்கள். வருஷத்திற்கு ஒரு 10 பதிவைப் போட்டுவிட்டு பாத்துக்கப்பா,.. நான் ஜெயிலுக்கு போய்ட்டேன், ஜெயிலுக்கு போய்ட்டேன்,, நானும் ரௌடிதான் (பதிவர்தான்) என சொல்லிக் கொள்வார்கள். ஆனால் ஒரு பதிவு போட்டாலும் சும்மா நச்சுன்னு போடுவாங்க,.. நேரப்பற்றாக்குறையாலும், தங்கமணிகளின் தொந்தரவாலும் இவர்கள் இப்படி பாதி பதிவராகவும், முக்கால்வாசி வாசகராகவும் ஆகிவிட்டார்கள்.

கவிஜ
இது கூட மிக மிக முக்கியம். கிட்டதட்ட மனசாட்யே இல்லாமல் எல்லா பதிவரும் கைவைக்கும் இடம் இதுதான். (நான் கூட அந்த கொடுமையை இரண்டு முறை செய்திருக்கேன்,. நல்ல வேளை ஹிட் ஆகாததால் யாரிடமும் " ஹிட்" ஆகாமல் தப்பித்தேன். சில நேரங்களில் கவிதையின்பால் உள்ள ஆர்வக்கோளாற்றில் நண்பர்கள் கவிதையை விளக்கம் கேட்டு "இது கூட தெர்ல" என பெரிய தோப்பு (விளக்கம் மேலே) வாங்கிய அனுபவம் கூட உண்டு). இதற்கு உள்ள ஒரே பிளஸ்பாய்ன்ட் இப்படிதான் இதை எழுத வேண்டும் என்ற எந்த எந்த வரையரையும் இல்லாதது. இப்போது நம் புத்திசாலி பதிவர்கள் படங்களில் வந்த நல்ல பாடல்களையே பதிவாய் போட்டு கவிதை எபக்டில் பேமசாகி விடுகிறார்கள். நான் கூட அப்படி போடலாம் என இருக்கேன் யாராச்சும் சாப்ட் காப்பி இருந்தா என் மெயிலுக்கு அனுப்பிவையுங்க,.. நான் எப்படியாச்சும் அதை கஷ்டப்பட்டு பதிவாக்கிவிடுகிறேன்,..
இதற்கான பெயர்காரணம் மிக எளிது,. தன் படைப்பு கவிதை என உறுதியாக நினைக்கும் புலவர்கள் தன் படைப்பை கவிதை என்றே அழைக்கிறார்கள். ஆனால் சிலர் இதை போய் நாம் கவிதைன்னு சொல்லலாமா?? நீதி தாங்குமா,..செங்கோல் வீங்குமா என நினைத்துவிட்டு அதை கவித, கவிஜ, கவி, கவித்தை (இவர் வித்தக கவிஞராம்,. அதனால் தன் படைப்பை இப்படி அழைக்கிறார்,.நான் கூட குரங்காட்டியா இருந்து கவிதை எழுத தாவிட்டார்னு நினைச்சேன்,..) என பயந்து முன்னெச்சரிக்கை நடவடிக்கையாக அழைக்கிறார்கள்.

பெயரில்லா
பழம் தின்னு கொட்டை போட்ட பதிவர்களையே சும்மா நடு நடுங்க வைக்கும் வினையூக்கிகள் (அதாம்பா catalyst),.. இதன் பெயர்காரணமும் மிக சிம்பிள்.பெயரே இல்லாமல் வந்து பேர் போனபதிவர்களின் பேரை நாறடித்ததால் இந்த பெயர். பெயரில்லாங்கற பேரைக் கேட்டாலே சும்மா அதிருதுல,..

ங்க்கொய்யால,.
சமீப காலமாக பதிவுலகில் பயன்படுத்தப்பட்டாலும் இதன் மூலமும் அர்த்தமும் இப்போது தெரியவில்லை. இதற்கு நம் பதிவர் கூட்டம் எனக்கு உதவும் என நினைக்கிறன்,..

அதென்ன ஓசோன் துளை???

2010-09-27T01:28:00.012+04:00

கொஞ்சம் முன்னுரை
உச்சவளி மண்டலத்தின் மேற்புற படுகையாக பரவி இருக்கும் ஓசோனானது சூரியனிடம் இருந்து வரும் புறஊதாக்கதிர்களிடம் இருந்து நம்மை பாதுகாக்கிறது. நேரடியாக புறஊதாக்கதிர்கள் நம்மை தாக்கும்போது நம்மை மட்டுமின்றி நம் சந்ததியையும் பாதிக்கும். எனவே இந்த புறஊதாக்கதிர்கள் நம்மை தாக்குவதை தடுக்க கூடிய ஓசோன் படலத்தை பாதுகாப்பது அவசியமாகிறது. அது எப்படி என்பதினை அறியும் முன் அதன் பின்னால் உள்ள அறிவியலைப் பார்க்கலாம்.

கொஞ்சம் அறிவியல்.

ஆக்ஸிஜன் அணு (O), ஆக்ஸிஜன் மூலக்கூறு வாயு (O2), ஓசோன் வாயு (O3) இவை மூன்றும் மாறி மாறி சுழல் வினையின் (cyclic reaction) காரணமாக உருவாகி, பிரிந்து, பின்னர் மீண்டும் உருவாகினறன
நிலை ஒன்று
முதலில் ஓசோன்வானது (O3) சூரியனின் புற ஊதாக்கதிர்களினால் ஆக்ஸிஜன் வாயுவாகவும் (O2) தனித்த ஆக்ஸிஜன் (O)அணுவாகவும் உடைகிறது. (இந்த வேதி மாற்றத்தின்போது புற ஊதாக்கதிர்கள் அதிகப்படியான வெப்பஆற்றலை (heat energy) வெளிவிடுகின்றன என்பதை நினைவில் கொள்க)

O3 --------> O2 + O + வெப்பஆற்றல் --------(1)

நிலை இரண்டு
பொதுவாக வாயுனிலைத்தனிமங்கள் தனித்து இருப்பதில்லை. எனவே இந்த தனித்த ஆக்ஸிஜன் மற்றோரு ஆக்சிஜன் மூலக்கூறுடன் இணைந்து ஓசோன் வாயுவை உருவாக்குகிறது. இதுவும் சாதாரணமான வினை இல்லை. "Photodissociation" என அழைக்கப்படும் இவ்வினையானது uvயில் இருக்கும் போட்டோனை எடுத்துக்கொண்டு கீழ் வரும் வினையை அளிக்கிறது. இதன் மூலம் உடைந்த ஓஸோன் மீண்டும் உருவாகிறது. இதற்கு ஆற்றல் தேவைப்படுகிறது. இது சூரியனிடம் இருந்து வரும் மின் காந்த ஆற்றலில் ( electromagnetic energy) இருந்து எடுத்துக்கொள்ளப்படுகிறது.

O + O2 + ஆற்றல் --------> O3 ------------------- (2)
இதனால் உடைந்த ஓசோன் மீண்டும் உருவாகிறது. இதுதான் மீள் வினை (reversible reaction) எனப்படுவது.

இதனால் ஓசோனில் இருந்து ஆக்ஸிஜனும், பின்னர் அதே ஆக்சிஜனிலிருந்து ஓசோனும் உருவாகின்றன. நம்முடைய ஓசோன் படலத்தின் வேதிச்சமனிலையின் தத்துவம் (Law of ozone chemical equilibrium) இதுதான். இப்படிதான் ஓஸோன் படலம் தன்னை முழுமையாக நிலை நிறுத்தி இருக்கிறது.

ஆக மொத்தம், நிலை ஒன்றில் ஆக்சிஜனாக உடைகிற ஓசோன் மீண்டும் நிலை இரண்டில் மீண்டும் ஓசோனாகவே மாறுகிறது. இதுதான் வழக்கமான சுழல் நிகழ்ச்சி.

எங்கே பிரச்சனை,..??

பொதுவாக இப்படி உடைகிற ஓஸோன் தனித்து ஆக்சிஜனாய் இருக்கையில் ஒண்ணும் பிரச்சனை இல்லை. அது உடனடியாக மற்றோரு ஆக்சிஜனுடன் இணைந்து ஓஸோனாய் மாறிவிடுகிறது.

O + O2 + ஆற்றல் --------> O3

அப்படி தனித்து இல்லாமல் இருக்கும்போதுதான் பிரச்சனை,..

அது எப்போது நடக்கிறது??

இன்றைய நாட்களில் மிக அதிக அளவு தொழிசாலை, கார், மற்றும் இன்ன பிற மாசு உருவாக்கும் காரணிகளால் உருவாகின்ற தன்னிச்சை வளைய வேதிவினையூக்கிகளான (free radical catalyst) நைட்ரிக் ஆசிட், நைட்ரஸ் ஆக்ஸைட், தனித்த நிலையில் உள்ள குளோரின், மற்றும் புரோமின் அணு, ஹாலஜன் சேர்மங்களான ப்ரோமோப்ளூரோகார்பன், க்ளோரோப்ரோமோகார்பன், ஹைட்ரக்ஸைல் போன்றவை தனித்த நிலையில் இருக்கும் ஆக்சிஜன் அணுவுடன் இணைந்து சேர்மமாக மாறுவதால் மீண்டும் ஓஸோன் உருவாக்கம் தடைபடுகிறது. கீழே உள்ள சமன்பாட்டை பார்க்க,..

CFCl3 + UV -------> CFCl2 + Cl
Cl + O3 -------> ClO + O2
ClO + O3 -------> Cl + 2 O2

நன்றாக பார்த்தீர்களானால் வழக்கமான சுழல்வினையில் (வினை 1 பார்க்க) மிச்சம் இருக்கிற தனித்த ஆக்ஸிஜன் (0) இதில் இல்லை. இதனால் ஆக்ஸிஜன் அணு மீண்டும் ஆக்சிஜன் மூலக்கூறுடன் இணைந்து ஓசோனை உருவாகும் (வினை 2) மீள்வினை (reversible reaction) இதில் தடைபடுகிறது.

இதனால் ஓசோனின் எண்ணிக்கை உயர் வளிமண்டலத்தில் குறைகிறது. இதைதான் ஓசோன் துளை என சொல்லுகிறோம்.

இதனால் உருவாகின்ற அதிகுறை அடர்த்தி பகுதியில் (very low density field) புறஊதாக்கதிர்கள் எளிதாக உள்ளே நுழைகின்றன,. இதன் விளைவுதான் நமக்கு உருவாகின்ற பல்வேறான உடல் உபாதைகளும், சுற்றுசூழ்னிலை மாற்றங்களும்,..

இவற்றில் ப்ரோமோப்ளூரோகார்பன், க்ளோரோப்ரோமோகார்பன் (மேலே சொன்னவை) மிக மோசமானவை. அவை வேதிவினையின்போது மிக மிக வேகமாக ஓசோனின் எண்ணிக்கையை குறைப்பதாக கணடறியப்பட்டன. இதனால் இவற்றை உருவாக்குவதும், பயன்படுத்துவதும் உலகம் முழுக்க தடை செய்யப்பட்டு 1996 ஆம் ஆண்டு முற்றிலுமாக ஒழிக்கப்பட்டது.(குளிர்பாதனத்துறைக்கு பயன்படுத்தப்பட்டது)

இத்தகைய உலக அளவிலான நடவடிக்கைகளால் இப்போது ஓசோன்படலம் ஓரளவிற்கு மூடிவிட்டதாக விஞ்ஞானிகள் சொல்கிறார்கள். இது நம் சுற்று சூழலிற்கு தருகிற முக்கியத்துவத்திற்கு ஒரு நல்ல மைல்கல் என்றே நாம் சொல்லலாம். நாம் கற்றுக் கொள்ளுகிற பாடங்கள் அனைத்தும் நன்மைக்கே,..

டிஸ்கி
இது போன்ற முழுக்க முழுக்க சமுக கண்ணோட்டத்துடன் கூடிய தொழில்னுட்ப பதிவுகள் நம் நண்பர்களால் படிக்கப்படுவதில்லை என்பது எனக்கு அறிந்ததே,.. இருந்தாலும் எங்கோ, எப்போதோ ஒரு மாணவன் ஒரு வேளை தேடி இது அவனுக்கு பயன் தந்தால் மிக்க மகிழ்ச்சி,.. அந்த வகையில் இந்த ஐம்பதாவது பதிவு எனக்கு முழு திருப்தி,.. (முழுக்க முழுக்க அறிவியல் தமிழில் ஒரு பதிவு எழுத ரொம்ப நாளாக ஆசை, அது இன்று ஓரளவிற்கு நிறைவேறியதில் மகிழ்ச்சி)

இந்த பதிவு எழுத பின்னுட்டம் வழி தூண்டுகோளாக உதவிய சகோதரி ஆனந்திக்கும், ராஜேஷுக்கும், மிக்க நன்றி,..

வழக்கம் போல் வாக்களித்து எழுத்துக்களை உற்சாகப்படுத்துங்கள் நண்பர்களே,.

.

மினி மீல்ஸ் (செப் 2010)

2010-09-26T00:06:00.011+04:00

சல்யூட்

9 வயதில் பன்னிரெண்டாம் வகுப்பு,

10 வயதில் B.Sc (physics),

12 வயதில் M.Sc (physics),

21 வயதில் PhD (Quantum Computing) Indian Institute of Science (IISc) முடித்து இந்தியாவிலேயே மிக இளவயதில் முனைவர் பட்டம், 2003 ஆம் ஆண்டு டைம் பத்திரிக்கையால் "most gifted youngsters" எனப் புகழ்மாலை,

22 ஆம் வயதில் உலகப்புகழ் பெற்ற IIT BOMBAYல் Asst. Professor தேர்வாகி IITகளிலேயே மிக இளவயது பேராசியர் எனப் பெருமை.
மற்றும்

"most gifted Asian youngsters" - TIME magazine,
"Superteen" - SCIENCE,
"Physics Prodigy" -TIMES
"Master Mind" - The WEEK
"one of the smartest Indian யூன்க்ச்டேர்ஸ்" - OUTLOOK

பாட்னாவை சேர்ந்த "தாதாஹத் அவதார் துளசி"தான் இத்தனை பெருமைக்குரியவர்.

2001 ஆம் ஆண்டு நோபல்குழு வரை சென்ற இவரை ஒரு தகுதியும் அற்றவர் எனவும், மனப்பாடம் செய்து ஒப்பிக்கிறார் எனவும் தூற்றியது. அதே ஆள் பின்னர் உலக அளவிலான பல பட்டங்களை பெற்றார்.

உலக அளவிலான பல்கலைகழகத்தில் இவருக்கு மிக அதிக சம்பளத்தில் வேலை கிடைத்தாலும் இந்திய அளவில் "க்வாண்டம் அடிப்படையில் அமைந்த அதிவேக கணிப்பொறியை உருவாக்குவதே தன வாழ்க்கையில் லட்சியம்" என்ற லட்சிய நோக்கோடு IIT பேராசியராக சேருகிறார்

IIT பக்கம் நுழைவதே பெரிதாக இருக்கையில், இவ்வளவு சின்ன வயதில் இத்தனை சிறப்புகளுடன் பேராசிரியராக அமரும் இவருக்கு நான் அடிக்கிற இந்த முதல் சல்யூட்டால் நான் பெருமை கொள்கிறேன்.

ஐடியா மாமு ஐடியா

டென்மார்க்கில் உள்ள க்ரௌன் ப்ளாஸா ஹோட்டல் தன் ஓட்டலில் 30 டாலர் மதிப்புள்ள மதிய உணவை இலவசமாக தருகிறது. அதற்கு நீங்கள் அங்கிருக்கும் சைக்கிளை 15 நிமிடம் ஓட்டினால் போதும். இதை ஓட்டும் போது இதனுடன் இணைத்துள்ள ஜெனரேட்டர் 10Wh அளவிற்கு மின்சாரம் தயாரிக்கிறது. இதை அதன் உள் பயன்பாடுகளுக்கு பயன்படுத்தி கொள்ளுகிறது. எப்புடி ஐடியா? உடம்பும் குறைஞ்சது, சோறும் கிடைச்சது மின்சாரமும் கிடைச்சது, சுற்றுசூழலும் பாதுகாப்பாச்சு. யாருக்கும் நட்டமில்ல.

கொஞ்சம் பெர்சனல்

இங்கே நான் மட்டும் தனியாக பேச்சுலராக ஓட்டிக் கொண்டிருப்பதால் சாப்பாட்டிற்கு கஷ்டம். வீட்டில் சாப்பிட்டு பழகிவிட்டதால் வெளியில் போய் சாப்பிடவும் பிடிக்கவில்லை. இருந்தாலும் வேலைப்பளுவின் காரணமாகவும் நம் இயல்பான சோம்பேரித்தனத்தின் காரணமாகவும் சமைக்க முடியவில்லை. பிடிக்கவும் இல்லை. ஆனால் தங்கமணியிடம் மட்டும் வீட்டில்தான் சாப்பிடுகிறேன் என பொய் சொல்லிக்கொண்டிருக்கிறேன். நேற்று ஒரு எடக்குமுடக்காண (அப்படின்னா என்னான்னு கேக்க கூடாது) ஒரு உரையாடல்,..

"சாப்பிட்டீங்களா??"
"இல்ல இனிதான் வீட்லபோய் சாப்பிடணும்"
"ஆமாங்க,.. நல்லா நியாபகம் வெச்சுக்குங்க,. வீட்டுலையே எதையாச்சும் சமைச்சு சாப்பிட்டுக்குங்க,.. உங்க உடம்புக்கு ஒத்துக்காது"
"ஆமா,. சரவணபவன்ல இருந்து பார்சல் வந்துருச்சு,..வீட்டுல போய்தான் சாப்பிடணும்,..(அய்யய்யோ,.. உளரிட்டேனே, ரவுண்டு கட்ட போறா,...)"
"ஆமாங்க,.. வீட்டுலேயே சாப்பிடுங்க,. கண்டதை சாப்பிட்டு உடம்பை கெடுத்துக்காதீங்க"

மனைவி அமைவது எல்லாம் இறைவன் கொடுத்த வரம் - என்ன ஒரு ரம்மியமான பாடல் இல்ல,...

சமூகம்
ஒவ்வொரு வருடமும் கல்வியில் பெண்கள்தான் முதல் இடத்தில் வருகிறார்கள். இது பள்ளியாகட்டும், கல்லூரி ஆகட்டும். மதிப்பெண் சிறப்பாக எடுக்கும் மாணவிகள் தங்கள் பணிகளிலோ இல்லை சிறப்பான கண்டுபிடிப்புகளிலோ ஏன் ஜொளிக்கவில்லை??? கல்வியின் பலன் அதை முறையான பயன்பாடாக (Application) கொண்டு வருவதில்தான் இருக்கிறது. வெறும் பேப்பரில் மதிப்பெண்ணாக பைல் பண்ணி வைப்பதில் என்ன பலன். எங்கே இடிக்கிறது??? மகளீரை முன்னேறி வரவிடாமல் தடுப்பது எது ?

பார்க்க ரசிக்க

இது மனிதனால் உருவக்கப்பட்ட பூக்கள். பிரமிப்பான வேலை இல்லை??

பிடித்திருந்தால் ஒரு ஓட்டு,..

. OO.

என்ன ஒரு ஒற்றுமை???

2010-09-23T00:08:00.011+04:00

சிவகாசியில் ஆதி காலத்தில் போக்கிரியாய் ஒரு அழகிய தமிழ் மகன் சுத்திக் கொண்டிருந்தார். குருவி பிடிக்க வில்லு எடுத்துக்கொண்டு ஒரு நாள் வேட்டைகாரனாய் சதுப்புநில காட்டிற்கு சென்றார். காட்டில் இருந்த அனைத்தும் வில்லையும், வேட்டைக்காரனையும் பார்த்து பயந்து ஓடிவிட்டன.

இந்த முறை உஷாரான அவர் காட்டைவிட்டு கடலுக்கு படகில் சுறா பிடிக்க சென்றார். முடியுமா அவரிடம்? சிக்கியது ஒரு சுறா. நண்பகலில் "சன்" வெளிச்சத்தின் உதவியோடு இந்த சுறாவாவையாவது பிடித்துவிடலாம் என நப்பாசையோடு இழுத்துப்பார்த்தார் முடியவில்லை. கிழிந்ததுதான் மிச்சம் நைலான் வலை,.. ஒரு கட்டத்தில் உதவி தந்த தந்த சன்னும் ஓடிப்போக இருட்டில் தனியே படகுடன் நின்றார். இருக்கிற ஒரே ஒரு படகையும் விட்டுவிடக்கூடாதென அதற்கே இப்போது காவலனாய் இருக்கிறார் ஒரே ஒரு வேலாயுதத்தை வைத்துக்கொண்டு கடும் கோபமாய்,... "ஆடுங்கடா என்னை சுத்தி,.. நான் அய்யனாரு வெட்டுக்கத்தி",...

எப்போது விடியும்????,. (அவருக்கல்ல நமக்கு,..)

மேலேயுள்ள கதைக்கும் கீழே உள்ள படத்திற்கும் சம்பந்தமில்லை. படத்தில் உள்ளது சுறாவையல்ல,.. திமிங்கலத்தையே பிடித்த ரியல் ஹீரோஸ்,..

ஆக மொத்தம் சிவகாசியில தோட்டா வாங்கி, குருவிக்காரண்ட்ட துப்பாக்கியை புடுங்கி, காவலன் மூலமா நம்மை மறுபடியும் சுட்டுடாங்கப்பா,..

செத்து செத்து விளையாடுறதே நம்ம பொழப்பா போச்சு,..

.

ரிஸ்க் எடுக்கலாமா?

2010-09-21T01:50:00.014+04:00

கதை 1

ஒரு ஊரில் ஒரு கண்டிப்பான மேனேஜர். இருந்தார். அவருக்கு எல்லாரும் மிக சரியாக வேலை செய்ய வேண்டும், ஓபி அடிக்கக்கூடாது என்பதில் மிக கண்டிப்பானவர். ஆனால் அவர் மிக நல்லவர் என எல்லோரும் புகழ வேண்டும் நினைப்பவர். (அவர் பெயர் ஜோதி இல்லை என்பது இன்னேரம் உங்களுக்கு தெரிந்திருக்குமே,..)

கம்பேனி நஷ்டமானாலும் CEOவும் அவரின்பால் மிக்க மரியாதை வைத்திருந்தார். உன்னுடைய கண்டிப்பே உன் பலம் பார்த்தசாரதி என அடிக்கடி புகழ்வார்.

அன்று பார்த்தசாரதி CEOவுடன் ரவுண்ட்ஸ் முடித்து திரும்பினார். அப்போது அவர் ஆபீஸ் வாசலில் பைலுடன் உட்கார்ந்தவாரே பெஞ்ச்சில் தூங்கிக் கொண்டிருக்கும் அவனைக் கண்டதும் அவருக்கு கோபம் தலைக்கேறியது. உள்ளே வரசொல்லிவிட்டு அறைக்குள் சென்று நேராக பீரோவை திறந்தார்.

"இந்தா பத்தாயிரம் உன் மூணு மாத சம்பளம், இனிமேல் இந்தபக்கம் தலை வைத்துபடுக்காதே, கிளம்பு"

"சார்ர்ர்ர்ர்ர்ர்ர்ர்ர்ர்ர்"

"கிளம்புரியா, இல்லை கழுத்தைப்பிடித்து வெளியே தள்ளவா????,.. எல்லாரும் நல்லா கவனிச்சுகுங்க, ஒழுங்கா வேலை செய்யலைன்னா,. எல்லாம் வீட்டுக்கு போக வேண்டியதுதான்"

CEO முன் முகம் சிவப்பாகி கர்ஜித்தார். பயத்தில் தூங்கியவன் ஓடிவிட்டிருந்தான்.

" இந்த தவறுக்கு இவ்வளவு பெரிய தண்டனை தேவையா பார்த்தசாரதி??"

"வேற வழி இல்லை சார், இல்லைன்னா நமக்கு வர்ர நஷ்டம் ஜாஸ்தியாகிட்டே இருக்கும், என்னம்மா ரோசி பயந்துட்டியா" ஸ்டேனோவைப்பார்த்து கேட்டார்,.

"இல்லை சார், வந்தது என் சொந்தக்காரர்தான் resume கொடுக்க வந்திருந்தார். நீங்க கத்தியதில் பயந்து ஓடிட்டார்,.. நாளை அந்த பத்தாயிரத்தை வாங்கி கொடுத்திடுரேன், sorry sir"

இப்போ CEO பீரோவை திறந்து கொண்டிருந்தார்,.

நமக்கு ஆப்பு வர்ரணும்னா அது நம்மளாலதான் வரும்,..Assumptions are always dangerous.

----------------------------------------------------------------------------------------------

கதை 2

ஒரு ஊரில் ஒரு வாலிபன் இருந்தான். அவன் மிக்க கடவுள் பக்தி கொண்டவன். அதுவும் அவனிற்கு விநாயகர் என்றால் மிக்க இஷ்டம். அவனிற்கு ஒரு காதலி இருந்தாள். அவளுடன் இணைய வேண்டும் என்று அவனிற்கு மிக்க ஆசை.

ஒரு நாள் கடவுளிடம் தான் ஒரு கணமாவது அவளுடன் இணைய வேண்டும் என்ற தன் அவாவை சொன்னான். முதல்முறை நம்மிடம் ஒன்று கேட்கிறானே என பிள்ளையாரும் ஒப்புக்கொண்டார்.

அவன் மிக்க மகிழ்ச்சியுடன் இருந்தான். அவனுடன் இணைவது ஒரு "Fevicol bond" போல இருக்கவேண்டும் என விரும்பினான்.

அடுத்த நாள் அவள் காதலியிடம் பேசிப்பார்க்கலாம் என பிள்ளையார் அவளிடம் அவன் வேண்டுகோளை சொன்னார்.

"பிள்ளையாரே, நான் இன்னோருவரை காதலிக்கிறேனே,.." இது அவள்.

பிள்ளையாரும் "கவலைப்படாதே,.. நான் உன் வேண்டுகோளை நிறைவேற்றுகிறேன்,.. நீ என் வேண்டுகோளை நிறைவேற்று" என்றார்.

"சரி, அவனுடன் ஒரு கணம் இணைவது எனக்கு ஒண்ணும் பிரச்சனையில்லை. அதற்கு உன் மேற்பார்வார்வையில், ஆசியுடன், சாட்சியுடன் தான் நடக்க வேண்டும் என சொன்னாள். பிள்ளையாரும் என் ஆசி கண்டிப்பாக உனக்கு உண்டு என சொன்னார்.

அடுத்த நாள் காலையில் அவர்கள் இருவரும் இரண்டரக் கலந்தார்கள்,..

எப்படி,..???

இப்படிதான்,.

again "Assumption always dangerous".

[ அய்யயோ,... இந்த பதிவு எனக்கு நானே வெச்சுக்கிர ஆப்பு மாதிரி இருக்கே, ஆப்புன்னாலும் சமாளிக்கிடலாம்,.. தோப்புன்னா என்ன பணறது?? ],....

அட்டகாசமான ஒரு பாலைவன பயணம்,..

2010-09-18T23:12:00.010+04:00

கத்தாரில் அட்டகாசமான ஒரு பாலைவன பயணம்,..

கத்தாருக்கு வந்து இரண்டு ஆண்டுகள் நெருங்கிவிட்டாலும் இங்கு எங்கும் சுத்தவில்லை. அதற்கு அவசியம் ஏதும் இல்லை என்பதே என் அனுமானமாக இருந்தது. பச்சையான அழகான கிராமத்திலிருந்து வந்த எனக்கு இந்த ஊர் சுத்தமாக பிடிக்கவில்லை. (அப்படிதான் சொல்லுவேன்,.. காரணம், சென்னையில் ஆரம்பித்து திண்டிவனத்திற்குள் இந்த ஊர் முடிந்துவிடும்),.. இருந்தாலும் குடும்பம் இல்லாமல் பைத்தியம் பிடிப்பதுபோல் இருந்ததால் ரமதான் விடுமுறைக்கு வெளியே கிளம்பினோம். ஆனால் இந்த அனுபவம் எனக்கு மறக்கமுடியாத நினைவாக பதிந்துவிட்டது.

நாங்கள் ஒரு 18 பேர் மூன்று வாகனத்தில் கிளம்பினோம். பாலைவனம் 70 கிமீ தூரம். அதை 45 நிமிடத்தில் அடைந்தாச்சு.

முதலில் ஒட்டக சவாரி,. நாங்க போய் உட்கார்ந்தவுடன் ஒட்டகம் கத்திய கதறல் மனசை என்னவோ செய்தது,.. போட்டோ மட்டுமே எடுக்கமுடிந்தது,.. (ச்சீ ச்சீ பயமெல்லாம் இல்லைங்க,..). நாம ஏறி உக்காந்து ஒட்டகம் செத்துப் போச்சுன்னா அப்புறம் வெள்ளைத் துணி போட்டு ஒட்டகம் மேய்க்க வேண்டியதுதான், ஒரு முன்னெச்சரிக்கை நடவடிக்கையாக நண்பர்களை ஏற்றிவிட்டு ஒரு க்ளிக்,..

பிறகு பாலைவனத்தை சுற்றிப்பார்க்கும் சவாரி. என்னை சுத்திலும் மணலை இங்குதான் பார்க்கிறேன். மெதுவாக சீராக கொண்டிருந்த வண்டி ஒரு கணத்தில் 70 டிகிரீ கோணத்தில் மேலே ஏறி (செங்குத்தாக??) சராலென கீழே இறங்க ஆரம்பித்தது. வைரமுத்து எழுதிய வயிற்றுக்கும் தொண்டைக்கும் உருவமில்லாமல் ஓடுகிற உருண்டையின் அர்த்தம் அப்போதுதான் புரிய ஆரம்பித்தது. அதன் படங்கள் வரிசையாக உங்களின் பார்வைக்கு,..

வெள்ளை நிறத்தில் ஒரு மண்ணை நான் இங்குதான் பார்க்கிறேன். அடுத்த படத்தில் செங்குத்தாக இறங்கும் வாகனம்

கரணம் புரண்டாலும் மரணம்,..(சீட்பெல்ட்டெல்லாம் இருக்கு,.. இருந்தாலும் நமக்கு நேரம் சரி இல்லைன்னா என்னவேணாலும் நடக்கும்),. கீழே உள்ள முதல் படத்தில் வண்டியின் பின்னால் பறக்கும் மணல், வண்டி செல்லும் வேகத்தை சொல்லும்,.

சில நேரங்களில் கீழேயிருந்து மேலே வருகிற வாகனங்கள் தெரியாது,..பின் என்ன?? கிஸ் கிஸ்தான்,. நாம் க்ரஸ் க்ரஸ்தான்,.

இந்த பாலை வனத்திலும் இப்படி ஒரு தெளிவான நீர் பரப்பா?? மிக்க ஆச்சர்யப்பட்டு போனேன்,.

பிறகுதான் கடல் உட்புகு நீர் (backwater) என்று தெரிந்தது. கீழே உள்ள படம் நான் தான்,..எனக்கு கிழே ஒரு 60 அடி இறக்கம்,.. அதனால்தான் வயிற்றில் ஒரு கலக்கம்,. ஹி ஹி,.

ஒரு வழியாக சவாரி செய்துவிட்டு எங்களுக்கென டிராவல்ஸ் ஒதுக்கி இருந்த அந்த கேம்ப்பை வந்தடைந்தோம்,.

உடை மாற்றிவிட்டு வாலிபால் ஆடினோம்,..(எவ்வளவு நாளாச்சு இப்படி வியர்க்க வியர்க்க வாலிபால் விளையாடி,..)

பின்னர் ஆசைதீர ஒரு ஜலக்கீரிடை,.. கடல் உப்புத் தண்ணீயானாலும் ஆழமில்லாத தெளிவான நீர்,..

பின் சாப்பிட்டுவிட்டு (சர்ர்ர்ர்ர்ரிரி) நிம்மதியான ஒரு உறக்கம்,..

அடுத்த நாள் சூரிய உதியத்தை பார்த்துவிட்டு கடற்கரை ஓரமாக மீண்டும் தோகாவை நோக்கி,..

நாங்கள் நிற்பது ஒரு உச்சி,..

ம்ம்ம்ம்,... அவ்வளவுதான் ரமதான் விடுமுறை முடிஞ்சு போச்சு,.. இனிமேல் என்ன செக்கிழுக்க வேண்டியதுதான்,.. என்ன கொடுமை இது??? ஆயிரம்தான் இருந்தாலும் நம்ம ECR ரோட்ல பைக்ல சுத்தறது மாதிரி வருமா?? கரெக்கிட்டா நான் சொல்றது???

.

பல்கலைகழகங்கள் எக்ஸ்போர்ட் நிறுவனங்களா??

2010-09-17T12:53:00.008+04:00

இது இன்று படித்த தகவல்,..

"சென்னை பல்கலைக்கழக முன்னாள் மாணவர் ராஜசேகர் ஷாம், பல்கலைக்கு நன்கொடையாக வழங்கிய 18 கோடியே 60 லட்சம் ரூபாயில் மாணவர் விடுதி மற்றும் உள்விளையாட்டு அரங்கம் கட்டப்படும்,''

இது இன்று நான் தினமலரில் படித்தது.

மிக பெருமையாக இருந்தது. ஒரு கணம் யோசித்தால் "பக்" என்று இருக்கிறது. ஆம் நாம் நம் ஆயுளின் பாதிக்கணக்கை முடித்துவிட்டோம். இது வரை நம் வாழ்ந்த நாட்களுக்கு என்ன செய்துவிட்டோம். இனி வாழப்போற நாட்களுக்கு என்ன செய்யப்போகிறோம். யாருக்கு? யாருக்கோ,.. அது சத்தியமாக நான் இல்லை,.. குடும்பம் இல்லை, நட்பு இல்லை. யாருக்கோ அவன் ஒரு சக மனிதன். கேள்வி மட்டுமே தொக்கி நிற்கிறது. பதில் இல்லாமல் இல்லை. தேட வேண்டும் அவ்வளவுதான்.

இந்த ராஜசேகர் உண்மையிலேயே க்ரேட்,.. இந்தியப்பணத்தை கொள்ளையடித்து ஸ்வர்ட்ஜ்லாந்தில் கொண்டு சேர்க்கும் கூட்டம் பிறந்த அதே ஊரில் பிறந்து சென்னைப்பல்கலைகழத்தில் படித்து,.. வெளி நாடு சென்று உழைத்து சம்பாரித்து,.. தன் உழைப்பை தன் வருங்கால இளைய தலைமுறைக்கு விட்டு செல்லுகிற இந்த பெருங்குணம் எத்தனை பேருக்கு வாய்க்கும்.??? சொல்ல வார்த்தை இல்லை. திரு ராஜசேகர்,.. உங்கள் ஆத்மா சாந்தியடைய வாழ்த்துக்கள்,.. உங்கள் உழைப்பு அடுத்த தலைமுறைக்கு செல்கிறதா என்பதை தயவு செய்து கவனிக்காதீர்கள்,..அரசிலும் பல்கலைகழகத்திலும் உள்ள மத்திய தலைமுறைகள் அதை சர்ர்ர்ர்ரிய பயன்படுத்திக் கொள்ளும்,.. நாங்கள அதைப்பற்றி எல்லாம் கவலைப்படாமல் "அண்ணா பல்கலைக்கழகம், ஐஐடி, அரசு மருத்தவ கல்லூரி போண்றவைகள் என்னை பொறுத்தவரை வெளிநாட்டுக்கு எக்ஸ்போர்ட் செய்யும் நிறுவனங்கள்" என்று சாணியடித்துக் கொண்டிருப்போம்... கண்டுக்காதீங்க,.. ஆனால் அடுத்த தலைமுறை அதில்தான் படித்து முன்னேறும்,. அங்கே வகுப்பு எடுக்கிறார்களா என்பது யாருக்கும் தெரியாது,. அங்கே உள்ள செய்முறை வகுப்புகள் எந்த அளவிற்கு உலகத் தொழில் நுட்பத்தில் பின் தங்கி உள்ளன என்பது யாருக்கும் தெரியாது,..விடுதிகள் எந்த நிலையில் உள்ளது என்பது யாருக்கும் தெரியாது,..ஆசிரியர்/சாதி அரசியல் எந்த அளவிற்கு உள்ளது என்பது யாருக்கும் தெரியாது. ஆனால் அதைப்பற்றியெல்லாம் கவலைப்படாமல் அடுத்ததலைமுறையும் அதில்தான் இரவு பகல் பாராது படிக்கும்,.. முன்னேறும்,..

நீங்கள்விட்டு சென்ற ஜோதி அணையாமல் பாதுகாப்பது இன்றைய தலைமுறையின் அவசியம்.

நம் உழைப்பினை, அறிவை, அனுபவத்தை அடுத்த தலைமுறைக்கு கொடுக்கவேண்டும் என்பது எத்தனை பேருக்கு இருக்கிறது (இதில் கூட உள் நாடு, வெளி நாடு இந்தியர்கள் என தயவு செய்து பிரிக்கவேண்டாம்,..),..சிறந்த அறிவு கொண்டபவர்கள் தங்களின் திறமைக்கு ஏற்ப பள்ளியிலோ, கல்லூரியிலோ வருடத்திற்கு ஏன் ஒரு நாள் வகுப்பெடுக்க கூடாது, சிறந்த அனுபவம் கொண்டபவர்கள் ஏன் வேலையில்லா நண்பர்களுக்கு ஒரு நல்ல வழிகாட்டக் கூடாது,.. நல்ல ஊதியதினை உழைப்பின் மூலம் பெற்றவர்கள் ராஜசேகர் போல முயற்சி பண்ண கூடாது??,.. நம்மிடம் பதில்கள் இல்லாமல் இல்லை,. தேட வேண்டும் அவ்வளவுதான்,..

நமக்கு காதல் வந்து விட்டதை எப்படி தெரிந்து கொள்வது???

2010-09-16T00:23:00.023+04:00

நம் காதலுக்கு நம் காதலி ஓகே சொல்றது இருக்கட்டும். நாம் காதலில் விழுந்துவிட்டோம் என்பதை நாமே எப்படி தெரிந்து கொள்வது???

மனசு ஒரே பக்கம் சுத்திக் கொண்டிருக்கும். அது ஒரு பிகரின் பக்கமாக இருக்கவேண்டும் என சொல்ல வேண்டியதில்லை. துரதிர்ஷ்டவசமாக மூன்றாம் நபரின் கண்களுக்கு அந்த பிகர் பேய் மாதிரி இருந்தாலும் அது பற்றி கவலையில்லை.
நண்பர்கள் தொடர்பு குறையும்.அதற்காக பிகருடன் தொடர்பு அதிகரித்துவிட்டது என அர்த்தமில்லை. பிகருடன் எப்படி பேசுவது என்ற யோசனையில் காலத்துடன் நாம் தனித்திருக்கும் நேரம் அதிகரிக்கும். மூளை முழுக்க அதுக்கு மட்டுமே செலவழிக்கப்படுவதால் படிப்பிற்கும் நமக்கும் தொடர்பு அத்துப்போகும். தேர்வில் முட்டை வாங்கி அதை வேக வைத்து சாப்பிட்டாலும் ஆச்சர்யப்பட ஏதுமில்லை. ஆகையால் வகுப்பில் முதல் இடத்தில் வருவோம், கடைசியிலிருந்து!!!!!!!!!!!.
காதலியுடன் தொத்திக்கொண்டே செல்லும் அவள் தோழி பேயாக தெரியும். எப்போதோ தனியே வரும் நம் ஆளுடன் பேசலாமெனப் பார்க்கையில், நம் கூடவிருக்கும் நமது நண்பர்கள் நாயாக தெரியும்.
நண்பர்களுக்கு தொத்தலாக தெரிவது நமக்கு ஸ்லிம்மாக தெரியும். நண்பர்களுக்கு தொப்பையாக தெரிவது நமக்கு கட்டையாக தெரியும். நமக்கு அழகான மாதுளை தோரணாமாக தெரிகிற பற்கள் நண்பர்களுக்கு கூரான மாவிலை தோரணமாக தெரியும். நமக்கு மின்னலாக தெரிகிற பார்வை நண்பர்களுக்கு 1.5 பின்னமாக தெரியும். நமக்கு பொழிவான நிலவாக தெரிகிற முகம், நண்பர்களுக்கு மலிவான டாஸ்மார்க்காக தெரியும்,.. இப்படி நிறைய்ய இடம்மாறு தோற்றப்பிழைகள்.
மணிக்கணக்கில் காத்திருப்போம், நிறைய்ய்ய்ய பொய் சொல்வோம், அடிக்கடி முகம் கழுவி கண்ணாடி பார்ப்போம், தனியாக சிரிப்போம், பொய்யாக கோபப்படுவோம். மெய்யாக பைத்தியமாவோம். பசிக்கும் ஆனா சோறு இறங்காது, இரவு வரும் ஆனா தூக்கம் வராது,..தூக்கத்தில் முனங்குவோம், நேரத்திற்கு தூங்கமாட்டோம்,.. ஆனா நேரத்திற்கு விழிப்போம், பல் தேய்க்கப்போவோம் ஆனாலும் மறந்து குளித்துவிட்டு வருவோம். பரிட்சை எழுத போவோம் ஒண்ணும் தெரியாமல் முழித்துவிட்டு வருவோம்.
மனசு பட்டாம்பூச்சியாய் சிறகை விரிக்கும். பர்சு கொட்டாங்குச்சியாய் இழந்து நிற்கும்.
நேற்று இனிப்பான கனவாக இருக்கும், இன்று படபடக்கும் பட்டாம்பூச்சியாக இருக்கும், நாளை ,.???? அதைப்பற்றி என்ன கவலை,..

(பி.கு இந்த கவலை இல்லைன்னா கண்டிப்பா உங்க காதல் கைகூடும்,... ஏன்னா அந்த எதிர்கால கவலைல்லதான் நிறைய லவ்வு புட்டுக்குது,..)

ஆக மொத்தம்,..

மொபைலில் சார்ஜ் இருக்காது, airtel சிம்மில் பைசா இருக்காது,..வகுப்பில் வருகை இருக்காது, அதனால் பரிட்சையில் மார்க் இருக்காது, பேச்சில் உண்மையிருக்காது, நாக்கில் சத்தியம் இருக்காது, ஆனால் ஆச்சர்யம் வாயில் நாற்றமிருக்காது,. பர்சில் பணமிருக்காது, நெஞ்சில் பயமிருக்காது,..

இந்த இல்லை எல்லாம் ஆமாவா? அப்படின்னா சாரி,.. நீங்க லவ்வுதான் பண்றீங்க,..

உங்களுக்காக ஒரு பிகர் பண்ணிக்கிட்டு இருக்கு.கிளம்புங்க,.. நான் எப்ப yahoo mail வந்தாலும் என்னை டிஸ்டர்ப் பண்ர இந்த பொண்ணு கூட கார்ல ஒரு ரவுண்ட் போய்ட்டு வந்துட்டு உங்கள் பின்னூட்டத்திற்கு பதில் சொல்றேன்.

பார்க்க சிரிக்க,..

2010-09-03T01:41:00.006+04:00

உண்மையிலியே ரொம்ப நாளாச்சு. சமீப காலமாக பொருளாதாரத்தை காரணமாக காட்டி எங்களிடம் கம்பெடுத்து வேலை வாங்குவதால் பதிவைப்பற்றி நினைக்க கூட நேரமில்லை,.. இருந்தாலும் மாதம் ஒரு முறை நண்பர்களின் பதிவுகளை வந்து படிப்பதுண்டு. அங்கேயும் தூற்றல், கிண்டல், நையாண்டி, கோஷ்டி கானம், மிரட்டல், இப்படி நிறைய,.. அடச்சை என தோணும்,.. இருந்தாலும் ஏதோ ஒன்று என்னை இழுத்துக் கொண்டே இருக்கிறது. அதன் தொடர்ச்சியாகதான் இந்த பதிவு (முடியலைல.... ஆம்,.. இன்னும் முன்னுரை முடியல)

முன்னை மாதிரி இல்லை. சீரியசான பதிவு போட்டால் இப்போது எல்லாரும் வந்து கும்மு கும்முவதால் ஒரு காமெடி பதிவு (அதுவும் சொந்தமில்லை,...மெயிலில் வந்த படங்கள்தான்,.ஹி ஹி)

கல்யாண ஆல்பம் பார்க்கலாமா?

2010-02-13T01:37:00.006+04:00

ம்ம்,.. எல்லாத்தையும் எடுத்து வெச்சாச்சு. அம்மாவிற்கு என ஒன்று, அப்பாவிற்கு, மனைவி, குழந்தை, தம்பி என அனைவருக்கும் கேட்டு விரும்பி சாக்லெட், பிஸ்கட், காபிதூள், ஷூ என எல்லாத்தையும் எடுத்து வெச்சாச்சு. குடும்பத்தை பார்த்து 8 மாதமாய் ஆகிவிட்டதில்லையா.

என் மகன் முன்னை மாதிரி இல்லை. என்னை "web cam" மூலம் நன் கு அடையாளம் கண்டு கொண்டுவிட்டான். மற்ற குழந்தைகள் அவர்கள் தன் தந்தையுடன் போகும் அழகைப் பார்க்கும் போது, பாவம் குழந்தை உள்ளுக்குள்ளேயே பொருமுகிறது.அவன் வயது சிறுவர்களிடம் "அப்பா நாளைக்கு வந்திருவாங்க, நானும் பைக்குள போவேனே" என்று விளக்கம் வேறு. இப்போது தினமும் கேட்கிறானாம் "அப்பா நாளைக்கு வந்திருவாங்கல்ல?? சில நேரங்களில் தனித்து இருக்கும் போது என்ன மொழப்பு என தோணும். வீட்டுக்கடன் கண்முன்னே வந்து நிற்கும் போது எல்லாம் போய்விடும்.

குழந்தை ரெண்டு மாதம் இங்கே கத்தாரில்தான் இருந்தான். வீட்டுக்காரம்மா பரிட்சை இருக்குன்னு சென்னை போய்ட்டாங்க,.. அதனால மறு படியும் வனவாசம். சில நேரங்களில் கணிப்பொறியில் உள்ள அவன் வீடியோக்களை பார்த்து ரசிப்பது உண்டு. சில நேரங்களில் அதையும் தாண்டி தனிமை வாட்டும். பீரோவை திறந்து அவன் மடித்து வைத்த துணிகளை கலைத்துப்போட்டு மறுபடியும் அடுக்குவேன். அப்பனுக்கே உள்ள இந்த தனிமை வேதனை நினைத்துப் பார்ப்பது கடினம். அதைவிட மனைவியைவிட்டு பிரிந்து இருக்கிற சோகம். அதை எழுத்தில் கொண்டுவருகிற அளவிற்கு எனக்கு திறமை இல்லை. காலை விமான நிலையத்திற்கு வருகிறேன் என சொல்லி இருக்கிறாள். கண்டிப்பாக மகனையும் தூக்கிக் கொண்டு வருவாள். பார்க்கலாம், எப்படி தாவி வருகிறான் என்று. என் மனைவி கூட போன வருடத்திற்கு நான் வாங்கி தந்த ரோஸ் நிற சல்வார் போட்டு வருகிறேன் என சொல்லி இருக்காள். அவளையும் பார்க்க வேண்டும். உடம்பு ரொம்ப இளைத்துவிட்டதாக மாமியார் சொன்னார்கள். என்னை பார்க்காமல் இருக்கிற காரணமாய் கூட இருக்கலாம் (காமெடிதான் ஆனால் ஒரு வேளை உண்மையாக கூட இருக்கலாம்) .

ம்ம்ம்ம்,. எப்படியோ ஓடிவிட்டது ஒரு வருடம். ஆனால் இப்படி குடும்பத்தைவிட்டு பிரிந்தது இல்லை. எப்படிதான் அமெரிக்கா போகிற நண்பர்கள் மூணு வருடம், நாலு வருடம் இப்படி கழித்து வருகிறார்கள் என தெரியவில்லை. கொடுமையடா சாமி. வெளி நாட்டு வாழ்க்கை சுகமானது இல்லை. சுமையானது.

ஒரு வழியாய் எல்லாத்தையும் அள்ளிக்கிட்டு விமானத்திற்குள் வந்தாச்சு. விமானத்தில் ஊருக்கு போகிறோம் என நினைத்து உட்கார்ந்திருக்கிற இந்த சுகத்தை வர்ணிக்கமுடியாது.எப்படா ஊர் வந்து சேரும் என இருக்கிறது. விமான பணிப்பெண் விகாரமாய் தெரிகிறாள்,

"விஸ்கி வேணுமா சார்?"

" வேணாம்"

ஸ்கீரினில் ஓடுகிற படம் ஜவ்வாய் இழுக்கிறது.

சீட்டில் உட்காரமுடியவில்லை. பக்கத்திலிருக்கிறவன் செம குறட்டை. ஏற்கனவே எனக்கு ஊருக்கு போற சந்தோசத்துல தூக்கம் வரல, இதுல இவன் வேற,..

ஒரு வழியாய் பத்திரமாய் தரை இறங்கியாச்சு. ஒவ்வொரு முறை விமானம் ஏறும் போதும் இன்ஸூரன்ஸ் பற்றி நினைப்பது வெளி நாட்டு இந்தியர்களுக்கே உரிய வழக்கம். அதில் நானும் விதி விலக்கல்ல,. ஏறும் போதும் இறங்கும் போதும் இன்ஸூரன்ஸ் நினைப்புகள் தவிர்க்க முடியவில்லை. அபச குணம்தான்,. இருந்தாலும் தவிர்க்க முடியாத நினைப்புகள் இவை.

காலை 5 மணி. முதலில் போனால்தான் முதலிலேயே சோதனைகளை முடித்துவிட்டு வரமுடியும். கொஞ்சம் லேட்டாக்கினால் அவ்வளவுதான் கூட்டம் உள்ளே புகுந்துவிடும், அடித்து பிடித்து முடித்துவிட்டேன்.

பாவம், எத்தனை மணிக்கு வீட்டிலிருந்து வந்திருப்பார்கள் எனத்தெரியவில்லை. காத்திருப்பார்கள், வெளியே வந்தேன். காணவில்லை. வேறு எங்காவது தேடிக் கொண்டு இருப்பார்களா என தெரியவில்லை. எங்கும் காணோம். போன் பண்ணினால் switch off. இவள் எப்பவுமே இப்படிதான் பேட்டரி சார்ஜ் பண்ணவே மாட்டாள்.

வீட்டிற்கு போன் பண்ணினேன்.

"என்னங்க, வந்திட்டுங்கிளா,.. சாரிங்க, தூங்கிட்டேன்"
"@#%$%$%$ ^%&#^%&"
"தூங்கிட்டேன் சொல்றேன்ல"
"@#%$%$ $%$!%$ %!%$!%4 @#%$%$%$ ^%&#^%&"
டொக்,.. போன் வைக்கப்பட்டு இருந்தது.
கோபம் தலைக்கேறியது.

ஆட்டோவைப் பிடிச்சு உட்கார்ந்தாச்சு. சென்னை காத்து சில்லென்றுதான் இருந்தது. ஆனால் மனசுதான் சூடாக இருந்தது. போய் வச்சிக்குறேன். ரொம்பதான் பண்றா,.. பார்க்கலாம். சண்டைலாம் போடக்கூடாதுன்னுதான் இருந்தேன். என்ன பண்றது. ஒரு வருடத்திற்கு முன்பே பிளான் பண்ணியது. எப்படிதான் தூக்கமோ??

ஆட்டோ கேட்டில் நின்னது. மகனும், அத்தையும் நின்று கொண்டிருந்தார்கள். மகன் என்னைப்பார்த்ததும் தாவி வருவான் என நினைத்தேன். வர வில்லை.
"ப்பா, அம்மா அழுகுறாங்க"
ஸ்ஸ்ஸ்,. கிளம்பியாச்சுடா,.. அது எப்படிதான் இப்படி சொல்லிவச்ச மாதிரி அழுகுறாளோ தெரியல, சாவித்திரியெல்லாம் பிச்சை வாங்கணும்..என் லேப்டாப் பையை தூக்க என் மகன் உள்ளே தூக்கி கஷ்டப்பட்டுக் கொண்டிருந்தான். நான் உள்ளே வந்துவிட்டுருந்தேன்.

அழுது முகம் வீங்கியிருந்தது. (அதெப்படிதான் அடிக்காமலேயே வீங்குதோ தெரியல,அதென்னமோ தெரியலை மனைவி அழுகும் போதுதான் சிரிப்பு வந்து தொலைக்கிறது).

" இப்போ எதுக்கு அழுகுற?"
"#@$#% $#%$!# %$#!% $#%$1"
" சரிவிடு, தெரியாம திட்டிட்டேன்"
"@~#$# $%!%$ %^@% !$^!%^ ^%#&#^"
" விடுன்றேன்ல"
"$#!%$#% $#%!^^% %@^%^"
"சரி, ஓகே, நம்ம கல்யாணம் ஆல்பம் பாத்து ரொம்ப நாளாச்சு, பார்க்காலாமா? ?"
",......"

ம்ம்ம்,.. அதெப்படிதான் இந்த பெண்களுக்கு சடாரென சிரிப்பு வருதுன்னே தெரியல,..

சண்டைகள் காதலை நெருக்கமாக்கின்றன.

அனைவருக்கும் காதலர் தின வாழ்த்துக்கள்,.. (எல்லாரும் எதையாச்சும் காதலிக்கிறாங்கல்ல, அதுக்குதான் எல்லாத்துக்கும்)

நாளைக்கு நாட்டிற்கு கிளம்புகிறேன். இன்னும் ஒரு மாசத்துக்கு நான் லீவுங்க,.. அதனால யாரும் பின்னுட்டம் போடலையேன்னு கோச்சுக்காதிங்க (ஒரு மாசத்திற்கு பதிவுத்துறை தப்பிச்சதுப்பா),..

.

பொறியியலில் எதற்காக தமிழ் மொழி? (முடிவு பகுதி)

2010-02-09T22:51:00.012+04:00

தமிழ் மொழியில் பொறியியல் படிக்கலாமா?

இது போன பதிவின் தொடர்ச்சி. (நானும் நாளைன்னு போட்டு நாலு நாளாச்சு, நேரமே அமையவில்லை)

பொதுவாக படிப்பது என்பது ஒவ்வொருவரின் விருப்பத்தை பொறுத்தது. அதே போல ஒவ்வொருவரும் படிக்கும் முறையும் நோக்கமும் வேறுபடும். மார்க்கை குறிவைக்கும் இனம் ஒன்று. அறிவை குறிவைக்கும் இனம் ஒன்று. மார்க்கை குறி வைத்துப்படிக்கும் எந்த படிப்பும் தண்டமே.

தமிழில் படிப்பதால் என்ன நட்டம்???

இது வரை நாம் மொழியை பற்றி மட்டுமே அலசினோம். பொறியியல் பற்றி பேசவே இல்லை. எந்த தொழிலும் அதன் பயனாளி மிக முக்கியம். காரணம் அவர்தான் வாடிக்கையாளர். அவர்தான் நம் முதலாளி. பொதுவாக இணைய தளம் உதவியால் இன்றைக்கு பொறியியல் துறை எல்லா நாடுகளிலும் வியாபித்திருக்கிறது. பயனாளி எந்த நாட்டில் வேண்டானாலும் இருக்கலாம். ஆதலால் எல்லாவற்றிற்கும் தெரிந்த மொழி இருக்க வேண்டியது மிக அவசியம்.

நான் ஆங்கிலத்தில் படித்ததால் நம்மால் எந்த நாட்டிற்கும் சுலபமாக செல்ல முடிகிறது, வேலை செய்ய முடிகிறது. வெள்ளைக்காரனுடன் தொழில் நுட்பம் சம்பந்தமாக விவாதிக்க முடிகிறது. அடுத்தவனுக்கு சமமாக நம்மை உயர்த்த முடிகிறது. நான் உனக்கு எந்த விதத்திலும் குறைந்தவன் இல்லை என நிரூபிக்க முடிகிறது.

தமிழ் வழியில் படித்தவர்களுக்கு பொதுவாக துவக்கம் கொஞ்சம் தடுமாறும். பொறியியல் துறைக்கு என்னதான் திறமையானவராக இருந்தாலும் தன் திறமையை நிரூபிப்பதற்கு வாய்ப்பேச்சும் அவசியம். என்னதான் திறமையானவராக இருந்தாலும் தன் திறமையை விவாதிக்க, நிரூபிக்க தெளிவான பேச்சும் அவசியம். பேச்சு மொழியை சிறிய வயதிலேயே கொண்டு வருவது எளிது. கல்லூரியெல்லாம் முடித்த பிறகு பொது விவாதங்களில் பங்கேற்கும் போது அன்னிய மொழியில் சடாரென பேச வராது. இது ஒரு முக்கியமான காரணி.

அடுத்து வேலை வாய்ப்பு. பொறியியலைவிடுங்கள். தமிழ் MA B.ED படித்து முடித்த எத்தனை பேர் சும்மா இருக்கிறார்கள்? அவர்களுக்கு அந்த அளவிற்கு வேலை வாய்ப்பிருக்கிறது? அவர்கள் இத்தனை வருடம் படித்த படிப்பிற்கு பலன் என்ன? அரசாங்க வேலை மட்டுமே ஒரே வழி. சரி,. நாளையே பதவிக்கு வருகிற ஒரு கிறுப்பிடித்த அரசாங்கம் எல்லாருக்கும் பொதுத்தேர்வு என வைத்தால் பத்து வருடம் முன் படித்தவர் எப்படி செலக்ட் ஆவார்? இப்படி நிறைய பாதகங்கள் சொல்லிக்கொண்டே போகலாம்.

கண்டிப்பாக இன்றைக்கு தமிழில் பொறியியல் படித்தாலும் இதே நிலைதான். நாம் அரசாங்கம் தரும் வேலையை மட்டுமே எதிர்பார்த்துக் கொண்டிருக்க வேண்டும். civil, mechanical, telecommunication போன்ற துறைகளுக்கு பிரச்சனை இல்லை. உள் நாட்டு பொறியியல் ஓரளவு ஈடு செய்யும். ஆனால் கணிப்பொறி, IT, petrochemical, bio technology போன்ற துறைகளில் உலக அளவிலான வியாபாரம் நடக்கிறது. முழுக்க முழுக்க தனியாரால் மட்டுமே நடத்தப்படும் இந்த பொறியியல் துறைகள் எப்படி ஒரு குறிப்பிட்ட இனம் மட்டுமே பேசும் மொழியை வைத்து உலக அளவில் போட்டி போட முடியும். இது மிக கடினமான ஒன்று.

இப்படித்தான் நானும் நினைத்துக் கொண்டிருந்தேன்.

ஆனால் அப்படியல்ல.

பிறகு எப்படி??? இப்போது அடுத்த கேள்வி எழுகிறது. தாய் மொழியில் படிக்கிற நாடுகள் எப்படி முழுமையாக பவனி வருகின்றன? இந்த கேள்வி இந்த பதிவின் முழு அர்த்தத்தையும் சொல்லும். நன்றாக கவனித்தீர்கள் என்றால் ரஸ்யா, ஜப்பான்,கொரியா, ஜெர்மனி, பிரான்ஸ் அவர்களின் நாட்டின் மொழியில்தான் படிக்கின்றனர். அவர்கள் எப்படி முதல் நிலையில் தத்தம் தொழில் நுட்பத்தில் சிறந்து விளங்குகின்றனர்?

காரணம் மிக எளிமையானது.

அவர்களின் முழு தொடர்புகளும் தங்கள் தாய் மொழியிலேயே இருக்கும். மற்ற மொழிகளின் ஆதிக்கம் ஏனோதானாவென்றுதான் இருக்கும். அவர்களுக்கு இதர மொழிகள் இரண்டாம் மொழியாக இருந்தாலும் கண்டிப்பாக அவர்களின் நாட்டில் அது மூன்றாம் தர மொழியே ஆகும். படிப்பு, சிந்தனை, செயல், ஆராய்ச்சி என அனைத்திலும் தங்கள் மொழியையே பயன்படுத்துவதால் கடினமான துறைகளை கூட அவர்கள் எளிதில் புரிந்து கொள்கிறார்கள் செயல்படுகிறார்கள். சரி விடுங்கள். நிறைய பேருக்கு இது ஒப்புகொள்ள முடியாது.

நம் நாட்டையே எடுத்துக்கொள்ளுங்கள். நம் நாட்டின் தலை சிறந்த கண்டுபிடிப்புகளாய் எதை சொல்லுவீர்கள்?
செஸ் (கி.மு 230-500), துருப்பிடிக்காத இரும்பு (கி.பி 400), சுழி (ஆமாங்க ஜீரோ), பின்னம் (decimals), நுண்கணிதம் (calculus) , differential equation (aryapattar), எதிர்மறை எண்கள் (negative numbers), பை எண்கள் pi number (22/7) , முடிவில்லாத் தொடர்கள் (infinite series), முக்கோண தொகை (trignometric functions),

இப்படி நிறைய, அதில் எதை சொல்லுவீர்கள்?. ஆனால் நன்றாக கவனிக்க. அனைத்தும் தங்கள் தாய் மொழியிலேயே கண்டுபிடிக்கப்பட்டவை. அதுதான் முக்கியம். நான் போன பதிவில் சொன்ன CTRL C CTRL V காரணமும் அதுதான். மேல சொன்ன நாடுகள் தங்கள் துறையில் தனித்துவத்துடன் விளங்க காரணம் அவர்களின் புதிய கண்டுபிடிப்புகளே.அதனால் தாய்மொழியில் படித்தால் முன்னேற முடியாது என்பதற்கு தவறு என நிரூபிக்க மேலே சொன்ன நாடுகள் ஒரு சிறந்த உதாரணம்.

அதற்கான காரணம் என்ன? தங்கள் நாட்டில் இரண்டாம் மொழி இருந்தாலும் தம்தம் தாய் மொழியில்தான் எழுதுகிறார்கள், பேசுகிறார்கள், உருவாக்குகிறார்கள். உருவாக்குதல் என்றால் எப்படி? சீனா ஒரு வேளிநாட்டிற்கு ஒரு project பண்ணுகிறான் என வைத்துக்கொள்ளுங்கள். அனைத்து நிலையிலும் சீன மொழியே இருக்கும். வாடிக்கையாளருக்கு அனுப்பும் முன் மென்பொருளை பயன்படுத்தி அனைத்து பக்கங்களும் மொழி மாற்றம் செய்யப்படும். ஆனால் இங்கே அப்படியல்ல.

தாய் மொழியில் அனைத்தும் சிறப்பாய் அமைய அரசாங்கமும் ஒத்துழைப்பு மிக அவசியம். மக்களுக்கு தாய் மொழியில் படித்தாலும் வேலை கிடைக்கும் என நம்பிக்கை வர வைக்க வேண்டும். சீனாவில் எல்லா நிறுனங்களுக்கும் உற்பத்தி அலுவலகம் உள்ளது. அவர்களின் உட்தொடர்பு மொழி அவர்களின் சீன மொழிதான். சீனா மொழி தெரியாதவர்களிடம் வரும் போதுதான் ஆங்கிலம் வருகிறது. ஆனால் நாம்??? அலுவலகத்தில் இருவருக்கும் தமிழ் தெரிந்தாலும் ஆங்கிலத்தில்தான் உரையாடல். ஏன் என இருவருமே யோசித்ததில்லை? காரணம் என்ன? தொழில் நுட்பங்களை ஆங்கிலத்தில் படிப்பதால பேசும் போதும் ஆங்கிலத்திலேயே பேசுவதுதான் வசதியாக இருக்கிறது. பிரச்சனை தமிழிடம் இல்லை. நம்மிடம்தான்.

எனவே தமிழ்மொழியில் பொறியியல் படித்தால் வேலைக்கு ஆகாது என்ற வாதத்தையெல்லாம் என்னால் ஒப்புக்கொள்ளவே முடியாது. 2000 வருடத்திற்கு முன்பே தனக்கென ஒரு சிறப்பான இலக்கணத்தை கொண்டு பிரகாசித்துக் கொண்டிருக்கும் தமிழிற்கு அதற்கு தகுதி இல்லை என்பதெல்லாம் ஏற்க முடியாது. மேலும் அதை இன்னும் பிரகாசிக்க வைக்க வேண்டிய அவசியமில்லை. அதை அஸ்மித்துவிடாமல் வைக்கும் பொறுப்பு நம் தலை முறைக்கு உண்டு.

இப்போது எல்லோரும் குழந்தைகளை ஆங்கில வழியில்தான் படிக்க வைக்கிறோம். இது அப்படியே தொடர்ந்தால் இன்னும் ஒரு பத்து தலைமுறைகளில் தமிழில் படிப்பது என்பதே இருக்காது. எது எப்போது அவசியமில்லையோ அது எப்போது வேண்டுமானாலும் தூக்கி எறியப்படும். இது மொழிக்கு மட்டுமல்ல. உலகில் எதற்கு வேண்டுமானாலும் பொருந்தும். கண்டிப்பாக இது தமிழிற்கு நல்லதில்லை.

2500 வருடங்களுக்கு மேல் இருக்கும் தமிழ் மொழிக்கு நம் தலைமுறையிலிருந்துதான் ஆபத்து துவங்குகிறது. அரசாங்கம் முழித்துக்கொண்டு விட்டது,. நாம்? இன்னும் இல்லையே? காரணம் நிகழ் காலத்தில் புறக்கணிப்படுகின்ற மொழிகளுக்கு இனி எதிர்காலம் இல்லை என்பதை நாம் இன்னும் உணரவில்லை.

.

பொறியியலில் எதற்காக தமிழ் மொழி???

2010-02-07T00:46:00.006+04:00

இரண்டு நாளைக்கு முன் நம் கல்வித்துறை அமைச்சர் பொறியியல் தமிழ் வழியில் கொண்டுவருவதற்கான ஆவண செய்யப்படும் என சொன்னார். அது எந்த அளவிற்கு சாத்தியம் என்பதற்கான ஒரு அலசல்.

நான் முழுக்க முழுக்க தமிழ் வழியில் 12 ஆம் வகுப்பு வரை படித்தவன். பிறகு முற்றிலும் மாறுபட்ட சூழ்னிலையில் அண்ணா பல்கலைகழகத்தில் வேதிப்பொறியியல் படித்துவிட்டு இப்போது எங்கோ குப்பை கொட்டிக்கொண்டு இருக்கிறேன்.

கண்டிப்பாக நான் படித்த போது இருந்த சூழ்னிலை இப்போது இல்லை. நான் படித்த போது மொத்தமே 18 பொறியியல் கல்லூரிகள்தான். அதில் 8 அரசு கல்லூரிகள். அதில் ஒரு சீட் வாங்குவதற்குள் போதுமடா சாமி என ஆகிவிடும். ஆனால் இப்போது அப்படியல்ல. 12ஆவது பாஸானால் போதும். என்ன துறை வேண்டுமானால் வாங்கி கொள்ளலாம். (என்ன கொடுமையடா சாமி??, பொறியியல் அந்த அளவிற்கு கேவலமாய் போச்சு). நான் படிக்கும் போதே தமிழ் வழியில் படித்தால் மதிப்பெண் விழாது. இப்போதைப்பற்றி சொல்ல வேண்டியதில்லை.

ஏன் தமிழில் கற்க வேண்டும்.??

நான் பொறியல் முடித்தவுடன் சுமார் ஒரு வருடம் காஞ்சிபுரத்தில் கல்லூரி விரிவாளராய் பணி புரிந்தேன். உண்மையில் மிக சந்தோசமான நாட்கள் அவை (யாருக்குன்னு கேள்வி கேட்க கூடாது). உலகில் மன திருப்தியான தொழில் எதுவென்றால் அது ஆசிரியத்தொழில் என்றே நான் சொல்வேன்.

பொதுவாக தமிழ் வழி படித்து கல்லூரி வரும் மாணவர்களுக்கு மொழி மிகப் பெரிய பிரச்சனையாக இருக்கும். காரணம் பொதுவாக தமிழ் வழி படித்து வரும் மாணவர்கள் மனப்பாடம் செய்வதில்லை. ஓரளவு பொருளறிந்து படிப்பதுதான் அவர்கள் வழக்கம். ஆனால் ஆங்கில வழி வரும்போது முழுமையான பொருளை அவர்களால் அடைய முடியாது. ஒரு வேளை அகராதி வைத்துப்படித்தால் ஓரளவு பொருள் புரிந்து படிப்பர். ஆனால் அதை ஒரு வாக்கியமாக எழுதி முடிப்பதற்குள் பரிட்சை நேரம் மூணு மணி நேரம் ஓடிவிடும். தேர்வு முடிவுகள் வரும் போது ஒன்னு தவறி இருப்போம் இல்லை ஜஸ்ட் பாஸ் பண்ணி இருப்போம். ஓரளவு புரிந்து இனி எல்லா தேர்விலும் நன்றாக நம்மால் மதிப்பெண் வாங்க முடியும் என நம்பிக்கை வரும் போது நாலு வருடம் ஓடி இருக்கும். அப்போது கையில் 60% மார்க் இருக்கும். எவன் வேலைக்கு நம்மை எடுப்பான்??

தமிழ் வழிக் கல்வியின் பொதுவான பிரச்சனை இதுதான். நான் விரிவுரையாளராக இருந்த சமயத்தில் இதை மிக கவனத்தில் எடுத்துக் கொண்டேன். நான் அனுபவித்ததை என் மாணவர்கள் அனுபவிக்ககூடாது என்ற ஒரே எண்ணம்தான்.

என் முறை இதுதான். போனவுடன் பழைய வகுப்பிலிருந்து 5 நிமிடம் கேள்வி (பலன்: பசங்களுக்கு தூக்கம் போய்விடும்). பிறகு தமிழில்தான் ஆரம்பிப்பேன். சீரான இடைவெளியில் தமிழிலும் ஆங்கிலத்திலும் விளக்கம் வந்து கொண்டே இருக்கும். எனவே மாணவர்கள் பாடத்தை நன்றாக புரிந்து கொள்வார்கள். புத்தகத்தை பிரிக்கும் போது கண்டிப்பாக பயம் இருக்காது. படிக்க ஆர்வமாகவும் இருக்கும்.இந்த முறை மிக பலனளித்தது. மிக கடினமான பாடங்களில் கூட மாணவர்கள் நல்ல மதிப்பெண் எடுத்தார்கள். சுற்று வ்ட்டாரங்களில் இருந்து மாணவர்கள் என் மாணவர்களின் நோட்ஸை வாங்கி சென்று படித்தார்கள். ஒரு ஆசிரியருக்கு இதைவிட என்ன பெருமை வேண்டும்??

ஆம் விஷயம் இதுதான்.

புரிந்து செய்கிற எந்த காரியமுமே வெற்றிதான். இந்த புரிதலுக்கு தடையாக இருப்பது மொழி.அந்த தடைக்கல்லை உடைக்கதான் இப்போது தமிழ் வழிக்கல்வி பாடக்கல்வியாக வழிமொழியப்பட்டு உள்ளது. முதலில் இதன் வசதிகளை பார்க்கலாம்.

1. பொருளறிந்து படிப்பதால் பாடங்கள் நீண்ட நாட்கள் நினைவில் இருக்கும்.(பிதாகரஸ் பார்முலாவும், அல்ஜீப்ராவும் நன்றாக இன்னும் நியாபகம் இருக்கிறது). எங்கோ எப்போது இது பலனளிக்கும். சிக்கலான சூழ்னிலையை நீங்கள் எதிர்கொள்ளும் போது உங்களின் பார்வை கண்டிப்பாக ஆங்கில மாணவர்களிடம் இருந்து வேறுபடும். பெரும்பாலான சிக்கல்களுக்கு ஆங்கில வழி மாணவர்களைவிட உங்கள் பதில்கள் நேரடியான, பொருத்தமான விடை அளிக்கும். இதேதான் வேலையிலும். இதனால் நீங்கள் செய்யும் தொழில் உங்களுக்கு கடினமாக இருக்காது. நீங்கள் தொழிலையும் காதலிப்பீர்கள். அடுத்து என்ன செய்யணும் என்பதற்கான பதில் உங்களிடம் இருக்கும்.

2. எப்போது உங்கள் தொழில் உங்களுக்கு சுலபமாக இருக்கிறதோ, கொஞ்ச நாளில் போரடித்துவிடும். அடுத்து என்ன பண்ணலாம்? என்ற கேள்வி தொக்கி நிற்கும். எப்போது நீங்கள் உங்களிடம் கேள்வி கேட்க ஆரம்பிக்கீர்களோ, அப்போதே நீங்கள் வெல்ல ஆரம்பிக்கிறீர் என அர்த்தம்.

3.பொதுவாக தன் தாய் மொழியில் சொல்லிக் கொடுக்கிற நாடுகள் தனக்கென ஒரு தனித்துவம் கொண்டவையாக இருக்கும். எந்த ஒரு நாட்டிற்கும் அந்நிய செலவாணி ஒரு முக்கியமான துறை.

ஜப்பான் - எலெக்ட்ரானிக்ஸ்
ஜெர்மனி - ஆட்டோமொபைல் தொழில் நுட்பம், உயர் நிலை ஆராய்ச்சிகள்
கொரியா - கட்டுமானம்,
சீனா - எல்லாவற்றிலும்
ரஸ்யா - ராணுவத்தொழில் நுட்பங்கள்,
இப்படி நிறைய நாடுகள்,..

நம் நாட்டை எடுத்துக் கொண்டால் இப்போதைக்கு IT, BPO, KPO, offsourceing போன்றவை. இவற்றால் நாட்டிற்கு என்ன பலன்?? பணம் வருகிறது என்ற ஒன்றைத்தவிர. ஆனால் எப்போதெல்லாம் மேலே சொன்ன துறைகள் அடி வாங்குதோ நமக்கும் அடி வாங்கும். அதாவது நம் நாட்டின் வளர்ச்சிக்கு அடுத்த நாட்டினை நம்பி இருக்கிறோம். எந்த ஒரு நாட்டிற்கும் இது ஆபத்தானாது. உங்களுக்கென ஒரு தனித்தன்மை இருப்பது பலமே. ஐரோப்பா நாடுகள் ஒவ்வொன்றும் சின்னது என்றாலும் அந்த நாட்டிற்கு என்று ஒரு தனித்தன்மை உண்டு. ஐரோப்பா நாடுகளில் ஒவ்வொரு நாட்டிலும் ஒவ்வொரு தொழில் நுட்பம் சிறப்பாக இருக்கும்.அதுதான் அவைகளின் பலமே. நாமும் நமக்கென ஒரு தொழில் தனித்துவத்தை உருவாக்காத வரையில் வல்லரசு கனவுதான்,..

தனித்துவம் எப்போது வரும்? நாம் என்ன செய்கிறோம் என்பதை புரிந்து செய்யும்போது,..

4. தாய் மொழியில் துவக்கத்தில் படித்தவர்கள் மிக சிறந்த அறிஞர்களாக இருப்பதைக் கண்டிருக்கலாம்.

அறிஞர் என சொல்லிவிட்டு அண்ணாவைப் பற்றி சொல்லாவிட்டால் எப்படி?

அண்ணா ஒரு முறை அமெரிக்காவில் உள்ள யேல் பல்கலைக்கழகத்தில் பாடம் நடத்திக்கொண்டிருக்கும் போது ஒரு நக்கலான வெள்ளைக்காரன் பின் வரும் கேள்வியைக் கேட்டான் (நிறைய பேருக்கு தெரிந்திருக்கும் இருந்தாலும் சொல்கிறேன்)

"Can you construct a sentence in English by using because three times in it?"

அண்ணா மின்னலாய் உடனடியாக பதில் சொன்னார்,.

"No sentence ends in because, because, because is a conjunction"

அவர் மட்டுமல்ல,..

ராமானுஜர், C V ராமன், சந்திரசேகர், M.S சுவாமி நாதன், அப்துல்கலாம், இப்படி நிறைய பேர்,..

ஆனால் இன்று ?????????????????????

CTRL C & CTRL V

நாளை முடிக்கிறேன்,..

2010-02-02T21:21:00.008+04:00

நான் ரசித்தது அப்படியே உங்களுக்கு,..

ஊதா மேற்கத்திய நாகரிகம், சிவப்பு நம் நாகரிகம்,..

குழந்தைகள் தனித்து நிற்க பழக்கப்படுத்தப்படுவர்.
எல்லாவற்றிலும் பெரியோர்களின் தலையீடு,.. தன் துணையை தேடுவதில் கூட

பாஸ் தங்களில் ஒருவர்
பாஸ்தான் எல்லாவற்றிற்கும் கடவுள் மாதிரி

வாழ்க்கையின் கடைசி காலங்கள் தனியாக
வாழ்க்கையின் கடைசி காலங்கள் பேரனுடன் (அது கூட சில நேரங்களில் உங்களின் சேமிப்பிற்கு நேர் விகிதத்தில் இருக்கும்)

கார் ஓட்டுபவர் சைக்கிள் ஓட்ட ஆசைப்படுவார்
சைக்கிள் ஓட்டுபவர் கார் ஓட்ட ஆசைப்படுவார்

மூணு வேளையில் ஒரு வேளை நல்ல சாப்பாடு, மற்ற நேரங்களில் நொறுக்ஸ்
மூணு வேளையும் மூக்கு முட்ட நல்ல சாப்பாடு

சிக்கலை தீர்க்க எந்த வழியும் கையாளப்படும்
சிக்கலை தீர்க்க ஒரே வழியே கையாளப்படும், அது தவிர்ப்பதற்கான வழி. NO ரிஸ்க்.

ஹோட்டல் அமைதியாக ரம்மியமாக இருக்கும்
நம்மவரின் குரல் ஹோட்டல் முழுக்க கேட்கும்,.. ஹோட்டலே எனக்கு சொந்தம் மாதிரி

பார்ட்டியில் அவரவர் நண்பர்களுடன் உரையாடுபவர்
பார்ட்டியில் அனைவரும் ஒருத்தர் உரையாடுவதை கேட்பர். அவர்தான் CEO

எல்லாவற்றிலும் க்யூ
க்யூவா? அப்படின்னா??

வியாபார தொடர்புகள் அதனை சார்ந்த நபர்களுடன் மட்டும்
எல்லாவிதத்திலும் தொடர்பை இழுத்து வெற்றி பெறுவது

சரியான நேரத்தில் இருப்பர்
சரியான நேரத்தில் வரக்கூடும்

சுய நலம்,.. தன்னைப்பற்றி மட்டுமே சிந்தனை
எல்லோரையும் அரவணைத்து தானும் உயரும் பக்குவம்

எண்ணங்களை நேரடியாக வெளிப்படுத்துவர்
ஒரு பெரிய சுத்து சுத்தி, கடைசியில் ஒரு வழியில் முடிவடையும்

.

இறைவனை காண்போம்,

2010-01-18T23:13:00.002+04:00

குழந்தையின் சிரிப்பில்,.

soooooooo cute,. .

பறவைகள் V வடிவத்தில் பறப்பது ஏன்?

2010-01-17T00:16:00.008+04:00

பறவைகள் V வடிவத்தில் பறப்பது ஏன்?

இந்த கேள்விக்கு பறவைகள் பல அற்புதமான சுவாரஸ்யமான தத்துவங்களை நமக்கு சொல்லிவிட்டு செல்கின்றன. தொடர்ந்து படிக்க,..

நாம் பறவைகள் கூட்டமாக பறப்பதை கவனித்திருந்தால் அவை ஒரே சீராக V வடிவத்தில் பறப்பதை காணலாம். சென்னையில் காக்கை மட்டுமே காண முடியும் என்பதால் கொஞ்சம் வெளியில் வந்து செங்கல்பட்டில் சீதோஷண காலங்களில் பார்த்தால், நீண்ட தொலைவிலிருந்து வரும் கொக்கு நாரை போன்ற வெளி நாட்டுப்பறவைகள் இந்த வடிவத்தில் பறப்பதை காணலாம். ஒரு பறவை முன்னணியில் பறந்தும் பின்னால் வரும் பறவைகள் குறிப்பிட்ட இடைவெளியில் வருவதையும் பார்க்கலாம். பொதுவாக இதன் வடிவம் V என இருக்கும். அதன் காரணம் என்ன?

இந்த கேள்விக்கான பதிலானது மிக ஆழ்ந்து பார்க்கும் அறிவியலை நமக்கு தருகிறது. அதை மேலும் நாம் தெளிவாக உணர்ந்தால் ஒரு அற்புதமான மேலாண்மை தத்துவத்தை புரியவைக்கிறது.

ஒரு கேள்விக்கு இரணடு பதில்கள்.

காரணம் ஒன்று

பறவைகள் இது போல பறப்பதால் அவை அதிக அளவு ஆற்றலை சேமிக்கின்றன. இதனால் அவை வெகு தூரம் அவை தொடர்ந்து பறக்க முடிகிறது. அவை தனியாக பறப்பதினால் பயன்படுத்தப்படும் ஆற்றலைவிட இது போல் V வடிவத்தில் பறப்பதினால் அவைகளின் ஆற்றலில் 70% வரை சேமிக்கின்றன.

பொதுவாக தனியாக ஒரு பறவை பறக்கையில் காற்றில் அதன் பின்னிழுக்கும் விசை (drag force) மிக அதிகமாக இருக்கும். பறவைகள் இது போல V வடிவில் பறப்பதால் அதன் பின்னுழுக்கும் விசை வலுவிழந்து சமதனப்படுத்தப்பட்ட மிதக்கும்விசை காரணமாக பறவைகள் தொடர்ந்து வெகு தூரம் இலகுவாக பறக்கின்றன. முக்கியமான விஷயம் என்னவென்றால் அனைத்து பறவைகளும் இதன் காரணமாக எளிதாக பறப்பதில்லை.

மேலே உள்ள பறவைகளில் சிவப்பால் வட்டமிடப்பிட்டவை, காற்றிற்கு எதிராக பறக்கையில் அதிகபட்ச உராய்வினால் மிக அதிக ஆற்றலை எடுத்துக்கொள்கின்றன. எனவே மிக விரைவில் சோர்வடைகின்றன. அப்படி சோர்வடையும்போது பின்னால் வருகிற பறவைகள் தலைமை பொறுப்பை எடுத்துக்கொண்டு முன்னே வந்து தொடர்ந்து பறக்கின்றன. சோர்வடைந்த பறவை பின்னே தொடர்ந்து வரும். இப்படியே தொடர்ந்து நூற்றுக்கணக்கான கிலோமீட்டர் தொடர்ந்து பறக்கின்றன. இதன் காரணமாக அனைத்து பறவைகளும் தலைமை பொறுப்பை ஏற்கிற வாய்ப்பு கிடைக்கிறது. மேலும் சோர்வடையும் போது நடுவில் ஓய்வு எடுத்துக்கொள்கின்றன.

காரணம் இரண்டு

இது போல பறப்பதால் எந்த பறவையும் அதன் சக பறவையை எந்த நிலையிலும் பார்க்க முடியும். இதனால் மிக நீண்ட தூரம் பறக்கையில் அனைத்துப்பறவையும் சக பறவைகளின் பார்வையில் இருக்கும். தொலைந்து விடுவதற்கான வாய்ப்புகள் குறைவு. இதனால் அவை தொடர்ந்து கூட்டத்தை பின் தொடர்ந்து கொண்டிருக்கும்.

கற்றது கல்வி (lessons learned)

In Science

ஆற்றலை மிச்சப்படுத்துதல் (utilization energy) - முறைப்படுத்தப்பட்ட சமச்சீர் விசையின் காரணமாக பறவைகள் தங்கள் ஆற்றலை 70% வரை மிச்சப்படுத்துகிறது. நாம் மதியம் பன்னிரெண்டு மணிக்கு நல்ல சூரிய வெளிச்சத்தில் எல்லா திரைசீலையையும் இறக்கிவிட்டு அலுவலகத்தில் நூற்றுக்கணக்கான விளக்குகளை எரிய வைத்துக்கொண்டிருக்கிறோம். கேட்டால் ஆற்றல் சிக்கன பல்ப் (energy efficient bulb ) என பதில் வேறு,..

In Management

மேலாண்மையில் இது ஒரு நல்ல முறைப்படுத்தப்பட்ட சிஸ்டம் (organized system). இந்த பறவையின் கூட்டத்தில் எந்த பறவைக்கும் எந்த நிலையும் (position) நிரந்தரம் இல்லை. முன், பின், நடு, ஓரம், விளிம்பு என அனைத்து நிலையிலும் ஆயிரக்கணக்கான ஆண்டுகள் தொடர்ந்து முட்டையிட்டு குஞ்சு பொறித்து பிறந்தும் பின் செத்தும் கொண்டுதான் இருக்கின்றன. ஆனால் அவைகளின் காலங்காலமான இந்த வேடந்தாங்கல் வாழ்க்கை சுழற்சி,..? ஆம்,. அது அழிவதில்லை.. வெற்றிகரமாக தொடர்ந்து கொண்டுதான் இருக்கிறது. அதே போல ஒரு நிறுவனத்தில் யார் எந்த பதவியை விட்டு சென்றாலும் அதன் செயல் பாதிக்ககூடாது. அதன் செயல்பாடுகள் தொடர்ந்து முன்னோக்கி சென்று கொண்டு இருக்க வேண்டும். அதுவே சிறந்த நிறுவனம். உங்கள் நிறுவனம் அப்படிப்பட்டதா???

பதிவு பிடித்து இருந்தால் தமிழீஷில் ஒரு ஓட்டு.

ஒவ்வொரு ஆண்டும் புத்தாண்டே,..

2010-01-01T01:35:00.006+04:00

ஆண்டுகள் ஓடிக்கொண்டே இருந்தாலும் ஒவ்வொரு ஆண்டும் அது புத்தாண்டே,.

2009 ஆண்டில் கடைபிடித்தது
பதிவுலகம் பொழுதுபோக்கே. முக்கிய கடமைகள் இருக்கும் போது பதிவுகள் எழுத/படிக்க வேண்டிய அவசியமில்லை.( வருட கடைசியில் 4 மாதம் முழுக்க எழுதவில்லை,.)

2010 ஆண்டில் கடைபிடிக்க வேண்டியது
எதற்காக பதிவு போடுகிறோம் என அறிந்து அடுத்தவரின் காலத்தையும் நம் காலத்தையும் வீணடிக்காமல் பதிவு போட வேண்டும். நோக்கம் இல்லாத எந்த பதிவும் குப்பையே. அறிவியல்/தொழில்நுட்பம்/விவசாயம் சம்பந்தமான பதிவுகளில் கவனம் செலுத்த வேண்டும் என இருக்கிறேன் (அவைதான் கேட்பாரற்று கிடக்கின்றன).

அலசி, ஆராய்ந்து, உள்வாங்கி, தக்க சமயத்தில், வெளிக்கொணரும் எந்த காரியமும் வெற்றியே,..

அதை இந்த டைகர் உட்ஸின் அற்புதமான, நினைத்தே பார்க்கமுடியாத இந்த ஷாட் சொல்லும்.

அனைவருக்கும் என் இதயம் கனிந்த புத்தாண்டு வாழ்த்துக்கள்.

Just do it,..

த்த்த்த்த்த்தூ,...

2009-12-31T03:25:00.005+04:00

உங்களில் எத்தனை பேர் குரானையும், பகவத்கீதையும் முழுமையாக படித்திருக்கீர்கள்? முழுமையாக படிக்காத, அறியாத ஒன்றைப்பற்றி பேச,எழுத நமக்கு என்ன யோக்யதை இருக்கிறது?
நமக்கு நம் அப்பாவை தெரியும்,தாத்தாவை தெரியும், கொள்ளுத்தாத்தவை தெரியும் இல்லை அதிகபட்சம் கொள்ளுத்தாத்தவின் கொள்ளுத்தாத்தாவை தெரியும். ஒரு நூற்றாண்டு கால மூதையாரின் சரித்திரம் மட்டுமே தெரியும். அதற்கு முன்? நம் மூதையாரின் சரித்திரமே நமக்கு சரியாக தெரியாது. எப்போதோ தோன்றிய பகவத்கீதையையும், எங்கேயோ தோன்றிய குரானையும் என்ன முழுசாக தெரியும்? இல்லை தெரிந்தால்தான் அதில் எந்த அளவிற்கு உண்மை இருக்கப்போகிறது? இங்கே பிள்ளையார் பிரம்மச்சாரி, வடக்கே ரெண்டு பெண்டாட்டிகாரர். நாம் தினமும் வணங்கும் சாமியிலியே இத்தனை முரண்பாடுகள். எங்கோ யாரால் எப்போதோ எழுதப்பட்ட பகவத்கீதையிலும், குரானிலும் எந்த அளவிற்கு உண்மை தொடர்ந்து வந்து இருக்கப்போகிறது?
இந்து, இந்து என கூச்சலிடும் கூட்டம் திருச்சி லால்குடியில் இரு தலித்கள் தங்கள் மலத்தை மாற்றி மாற்றி தின்ன வேண்டும் என பஞ்சாயத்து சொன்ன போது எங்கே போயின? (ஆதாரம் : டைம்ஸ் ஆப் இந்தியா). சரி விடுங்கள், தாங்கள் ஒதுக்கப்பட்ட மக்களின் பாதுகாவலர்கள், சிறுபான்மையினரின் சொந்தக்காரர்கள் இங்கே உருகி கொண்டிருக்கிற கம்னியூஷ்டகள் எங்கே போயின?
1925 ஆண்டு வரை கல்கத்தா டெல்லிக்கு அடுத்த மிகமுக்கிய நகரம். ஆனால் இன்றைக்கு?? எந்த கம்பேனி அங்கே வருகிறது? என்ன தொழில் வளர்ச்சி அங்கே இருக்கிறது? சிங்கூர் கலவரத்தில் எத்தனை விவசாயிகள் கொல்லப்பட்டனர்? 40 ஆண்டுகாலம், முழுக்க முழுக்க தங்கள் ஆட்சியில் ஒரு மண்ணங்கட்டியையும் வைக்காத, ஒரு மானிலத்திற்கு எந்த முன்னேற்றத்தையும் தராத இந்த கம்னியூஷ்டகள் நாட்டின் வளர்ச்சி பற்றி, பாதுகாப்பு பற்றி, மக்களின் வாழ்க்கைதரம் பற்றி பேச என்ன துப்பு இருக்கிறது?
இங்கே மற்ற மதத்தினற்கு அளிக்கும் சுதந்திரம், பேச்சுரிமை மற்ற நாடுகளில் இருக்கிறதா? இல்லை, முஸ்லீம் நாடுகளில் வேலை பார்க்கும் நம் முஸ்லீம் சகோதரர்களை சமமாக, அவரும் நம்ம இனம் என்ற பாவிக்கிற எண்ணமாவது வெளினாட்டு இஸ்லாமிர்களுக்கு இருக்கிறதா? இல்லவே இல்லை. அவர்களை பொறுத்தவரை, இவன் இந்தியன், பாகிஸ்தான், பங்களாதேஷ் என்றுதான் பிரிக்கிறார்கள். இது ஏன் நம்மவர்களுக்கு புரியவில்லை?
ஏர்வாடியில் மனம் குன்றியவர்கள் தீயுடன் எரிக்கப்பட்டபோது வராத போபம், பச்சிளங்குழந்தைகள் பள்ளிக்கூடத்தில் எரிக்கப்பட்ட போது வராத கோபம், மகாமகத்தில் குவியல் குவியலாக செத்தபோது வராத போபம், அமைச்சர் 50000ஆயிரம் கோடி அமுக்கியபோது வராத கோபம், பக்கத்து தேசத்தில் மக்கள் செத்து குவியல் குவியலாக புதைக்கப்பட்டபோது வராத போபம், ஒத்த ஜீன் கள் கம்பிகளுக்குள் கற்பழிக்கப்பட்டபோது வராத போபம், சோறில்லாத ஜன நாயக நாட்டின் மானில ஆளுனர் 87 வயது சல்லாபத்தில் வராத கோபம்,தண்டமாய்ப் போன வேட்டைகாரனுக்கும், பாலாய்போன நற்குடிக்கும், ஒண்ணுமில்லா திருனீருக்கும் வந்து தொலைக்கிறது,...

த்த்த்த்த்த்தூ,... வானத்தை நோக்கிதான் உமிழ வேண்டி இருக்கிறது.

.